ପଦ୍ମଶ୍ରୀ ହଳଧର ନାଗ ଓ ବିସ୍ମିଲ୍ଲା ଖାଁ ପୁରସ୍କାର ପ୍ରାପ୍ତ କଳାକାର ସର୍ବେଶ୍ୱର ଭୋଇ ମୁଖ୍ୟ ଆକର୍ଷଣ

ନୂଆପଡା,୯/୮ : ଖରିଆର ରୋଡ ଏନ.ଏ.ସି. ସ୍ଥିତ ଗଣପତି ହୋଟେଲ ପରିଷରରେ ଶନିବାର ସନ୍ଧ୍ୟାରେ ଉତ୍କଳ ମହୋତ୍ସବ ଅନୁଷ୍ଠିତ ହୋଇ ଯାଇଛି । ଉକ୍ତ କାର୍ଯ୍ୟକ୍ରମରେ ଖରିଆର ରୋଡ କାର୍ଯ୍ୟ ନିର୍ବାହୀ ଅଧିକାରୀ ତଥା କାର୍ଯ୍ୟ ନିର୍ବାହୀ ସଭାପତି ଉତ୍କଳ ମହୋତ୍ସବ କମିଟି ଦେବେନ୍ଦ୍ର ନାଥ ମହାରଣା ସଭାପତିତ୍ୱ କରିଥିଲା ବେଳେ ନୂଆପଡା ବିଧାୟକ ରାଜେନ୍ଦ୍ର ଢୋଲକିଆ ମୁଖ୍ୟ ଅତିଥି ରୂପେ ଯୋଗ ଦେଇ ଥିଲେ ।

ପୂର୍ବତନ ରାଜ୍ୟସଭା ସାଂସଦ ଏ.ଭି. ସ୍ୱାମୀ, ବରିଷ୍ଠ ଓକିଲ ପ୍ରସନ୍ନ ମହାପାତ୍ର, ନୂଆପଡା ତହସିଲଦାର ମୋହନ ସାହୁ, ଅବସର ପ୍ରାପ୍ତ ଆଇ.ଏ.ଏସ. ଗୁରୁ ପ୍ରସାଦ ମିଶ୍ର, ଅବସର ପ୍ରାପ୍ତ ପ୍ରାଧ୍ୟାପକ ଡି.ଏ.ଭି. କଲେଜ ଟିଟଲାଗଡ ଡ. ଶିବ ପ୍ରସାଦ ବେହେରା ପ୍ରମୁଖ ସମ୍ମାନିତ ଅତିଥି ରୂପେ ଯୋଗ ଦେଇ ଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଆକର୍ଷଣ ରୂପେ ପଦ୍ମଶ୍ରୀ ହଳଧର ନାଗ ଓ ଉସ୍ତାଦ ବିସ୍ମିଲ୍ଲା ଖାଁ ଯୁବ ପୁରସ୍କାର ପ୍ରାପ୍ତ ଲୋକ କଳାକାର ସର୍ବେଶ୍ୱର ଭୋଇ ମଞ୍ଚାସିନ ଥିଲେ ।

ପଦ୍ମଶ୍ରୀ ହଳଧର ନାଗ ନିଜର ଅଭିଜ୍ଞତା ଓ ଅନୁଭୂତିକୁ ଅଭିଭାଷଣ ମାଧ୍ୟମରେ ପ୍ରକାଶ କରିଥିଲେ । ସର୍ବେଶ୍ବର ଭୋଇ ପଶ୍ଚିମ ଓଡିଶାର ସୁପର ହିଟ ଫିଲ୍ମ ଆଦିମ ବିଚାରର କିଛି ସୁନ୍ଦର ମନଲୋଭା ଗୀତ ଗାଇ ଦର୍ଶକଙ୍କୁ ମୋହିତ କରିଥିଲେ । କାର୍ଯ୍ୟକ୍ରମରେ ଅଂଚଳର ଶହସ୍ରାଧିକ ଦର୍ଶକ ଉପସ୍ଥିତ ରହି ଉପଭୋଗ କରିଥିଲେ । ଉତ୍କଳ ମହୋତ୍ସବ କମିଟି ର ସୁରେଶ ଆଚରି, ଦୀପକ ମହାରଣା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।