ଅତୀତକୁ ସାଉଁଟୁ ସାଉଁଟୁ
ଆଖି ଲୁହେ ଭିଜିଯିବା ପରେ
ଆଜି ମୁହିଁ ଖୋଜୁଛି ନିଜକୁ,
ଭିଡ଼ଟାରେ ହଜିଯିବା ପରେ ।
ସମସ୍ତଙ୍କ ଗହଣରେ ରହି
ଏକୁଟିଆ ହୋଇଯିବା ପରେ
ରାତି ଆଜି ଉଜାଗରେ କଟେ,
ବିଛଣାରେ ଶୋଇଯିବା ପରେ ।
ଜୀବନର ଦୋଛକିରେ ଆଜି
ବାଟବଣା ହୋଇଯିବା ପରେ
ପିଲାଦିନ ନିଷ୍ପାପ ଭାବନା,
ଯୌବନରେ ଧୋଇଯିବା ପରେ ।
ସଜାଡୁଛି ନିଜକୁ ଏଥର
ଲକ୍ଷ୍ୟହୀନ ସାଜିଯିବା ପରେ
ଆଖି ମୋର ଚାହେଁ ଦେଖିବାକୁ (ସ୍ବପ୍ନ),
ସ୍ବପ୍ନ ସବୁ ହଜିଯିବା ପରେ ।
ସତ୍ୟଜିତ ସ୍ୱାଇଁ
ଅଡ଼ଶପୁର, କଟକ
For latest news & updates, click on bell button and subscribe to notifications.
Like us on Facebook👇