ବେଦାନ୍ତ ରେଲ ଲାଇନ ଉପରେ ଧାରଣାରେ ବସିଲେ ନୂତନ ବାତେଲିମା ଗ୍ରାମବାସୀ


ଲାଞ୍ଜିଗଡ,୨/୧୦ : କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକର ନୂତନ ବାତେଲିମା ଗ୍ରାମବାସୀ ବେଦାନ୍ତ ରାଳଧାରଣା ଉପରେ ଧାରଣାରେ ବସିବାକୁ ନେଇ ଜିଲ୍ଲାରେ ଚର୍ଚ୍ଚା ଆରମ୍ଭ ହୋଇଛି । ଅନେକ ସମୟରେ ବେଦାନ୍ତର ଉଦାସୀନତାକୁ ନେଇ କ୍ଷତିଗ୍ରସ୍ଥ ଗ୍ରାମଗୁଡିକର ଜନ ସାଧାରଣ ଧାରଣାରେ ବସିବା ଓ ବେଦାନ୍ତ ପ୍ରତିଶୃତି ଉପରେ ପ୍ରତିଶୃତି ଦେଇ ଚାଲିଥିବା ଘଟଣା ଏଠି ଯେପରି ଏକ ସାଧାରଣ କଥା ହୋଇ ଯାଇଛି । 

ଅଣ୍ଡର ଗ୍ରାଉଣ୍ଡ ବ୍ରିଜ ନିର୍ମାଣ ସହ ବ୍ରିଜ ରାସ୍ତା ବଙ୍କା ନକରି ସିଧା କରିବା ଦାବି

ଏଠାରେ ସୂଚନା ଯୋଗ୍ୟଯେ, ବେଦାନ୍ତ ଆଲୁମିନା ଲାଞ୍ଜିଗଡ ୟୁନିଟ ଦ୍ବାରା ପ୍ରଭାବିତ ନୂତନ ବାତେଲିମା ଗ୍ରାମବାସୀ ନାନା ସମସ୍ୟା ମଧ୍ୟଦେଇ ଗତି କରୁଛନ୍ତି । ଗାଁର ପୂର୍ବ ଦିଗରେ ବଂଶିଧାରା ନଦୀ ଜମିବାଡି ଧୋଇନେଇ ଯାଉଥିବା ବେଳେ ପଶ୍ଚିମ ଦିଗରେ ବେଦାନ୍ତ ରେଲ ଲାଇନ ରହିଛି ।  ଗ୍ରାମବାସୀଙ୍କ ଅଭିଯୋଗ ହେଲା, ଗାଁକୁ ରାସ୍ତା ନାହିଁ ଅନ୍ୟୋପାୟ ହୋଇ ଛାତ୍ରଛାତ୍ରୀ ଓ ଗ୍ରାମବାସୀ ଟ୍ରେନ ଲାଇନ ଦେଇ ଯିବା ଆସିବା କରନ୍ତି । ଯେତେବେଳେ ଏଠାରେ ଟ୍ରେନ ଅଟକି ରହେ ସେତେବେଳେ ବିପଦ ଶଙ୍କୁଳ ଅବସ୍ଥାରେ ଲୋକେ ଟ୍ରେନ ବଗି ତଳେ ଯିବା ଆସିବା କରନ୍ତି ।

ଏଠାରେ ଏକ ଅଣ୍ଡର ଗ୍ରାଉଣ୍ଡ ବ୍ରିଜ ନିର୍ମାଣ ପାଇଁ ଦିର୍ଘ ଦିନଧରି ଗ୍ରାମବାସୀ ଅଭିଯୋଗ କରି ଆସୁଥିଲେ ମଧ୍ୟ କମ୍ପାନୀ କର୍ତୃପକ୍ଷ କର୍ଣ୍ଣପାତ କରୁନାହିଁ । ଗତ ୧୨/୧୨/୨୦୧୭ରେ ଗ୍ରାମବାସୀ ବେଦାନ୍ତକୁ ଅଣ୍ଡରଗ୍ରାଉଣ୍ଡ ବ୍ରିଜ ନିର୍ମାଣ ସମେତ ଅନ୍ୟ ୬ଟି ସମସ୍ୟା ନେଇ ଦାବିପତ୍ର ପ୍ରଦାନ କରିଥିଲେ । କମ୍ପାନୀ ପକ୍ଷରୁ ପ୍ରତିଶୃତି ମଧ୍ୟ ପ୍ରଦାନ କରାଯାଇଥିଲା କିନ୍ତୁ ବର୍ତ୍ତମାନ ସୁଦ୍ଧା ଅଣ୍ଡର ଗ୍ରାଉଣ୍ଡ ବ୍ରିଜ୍ ନିର୍ମାଣ ହେଲାନାହିଁ । ଯାହାକୁ ନେଇ ଅଞ୍ଚଳରେ ତିବ୍ର ଅସନ୍ତୋଷ ପ୍ରକାଶ ପାଇବା ସହ ଧାରଣା ଦେଇଥିଲେ ଗ୍ରାମବାସୀ । ସେମାନଙ୍କ ଦାବିହେଲା ଅତିଶିଘ୍ର ଅଣ୍ଡର ଗ୍ରାଉଣ୍ଡ ବ୍ରିଜ ନିର୍ମାଣ କରିବାସହ ବ୍ରିଜ ରାସ୍ତା ବଙ୍କା ନକରି ସିଧା କରିବା । ନୂତନ ବାତେଲିମା ଗ୍ରାମବାସୀ ଅନେକ ସମୟଧରି ଧାରଣାରେ ବସିବାପରେ କମ୍ପୀନୀ କର୍ତୃପକ୍ଷଙ୍କ ସହ ବୁଝାମଣା ହେବାପରେ ଧାରଣା ପ୍ରତ୍ୟାହୃତ ହୋଇଥିବା ଜଣାପଡିଛି ।

ଲାଞ୍ଜିଗଡ ପ୍ରତିନିଧି ଦୂଃଖିଶ୍ୟାମ ନାଗ (ନିଲେଶ)ଙ୍କ ରିପୋର୍ଟ odiabarta.in

ଆମ ଫେସବୁକ୍ ପେଜ୍ ଲାଇକ୍ କରନ୍ତୁ

https://facebook.com/odiabarta