ଛାତ୍ରୀମାନେ ପାଇଖାନା ସଫା କରିବାକୁ ନେଇ ବିତର୍କ

କଳାହାଣ୍ଡି,୧୩/୧୨: ବିଦ୍ୟାଳୟର ପାଇଖାନା ସଫା କରୁଛନ୍ତି ଦୁଇ ଛାତ୍ରୀ । ଜଣକ ହାତରେ ଲେଟ୍ରିନ ସଫା କରିବା ବ୍ରଶ ଓ ଅନ୍ୟ ଜଣକ ହାତରେ ଝାଡୁ । ଏପରି ଏକ ଭିଡିଓ ସାମାଜିକ ଗଣମାଧ୍ୟମରେ ଘୁରି ବୁଲିବା ପରେ ଏହାକୁ ନେଇ ବିଭିନ୍ନ ମହଲରେ ଚର୍ଚ୍ଚା ଆଲୋଚନା ଓ ବିତର୍କ ଜୋରଦାର ହେଉଛି । 

ବିଦ୍ୟାଳୟର ଛାତ୍ରଛାତ୍ରୀମାନେ ଏପରି କାର୍ଯ୍ୟ କରିବାକୁ ନେଇ କେତେକ ଅସନ୍ତୋଷ ବ୍ୟକ୍ତ କରି ଶିକ୍ଷା ବିଭାଗକୁ ଆଙ୍ଗୁଳି ନିର୍ଦେଶ କରିଛନ୍ତି । ଅନ୍ୟ କେତେକଙ୍କ କହିବା ହେଲା, ଶିଶୁମାନେ ନିଜେ ନିଜର ପାଇଖାନା ସଫା କରିବା ଦ୍ବାରା ସେମାନଙ୍କ ମଧ୍ୟରେ ପରିଚ୍ଛନ୍ନତା ନେଇ ସଚେତନତା ସୃଷ୍ଟି ହେଉଛି, ତେଣୁ ଏହାକୁ ଭିନ୍ନ ଅର୍ଥରେ ନେବାର ଯଥାର୍ଥତା ନାହିଁ ବୋଲି ମତ ପ୍ରକାଶ କରିଛନ୍ତି ।

ଏଠାରେ ସୂଚନାଯୋଗ୍ୟ ଯେ କଳାହାଣ୍ଡି ଜିଲ୍ଲା ନର୍ଲା ବ୍ଲକ ଅନ୍ତର୍ଗତ ପଲମ ଗ୍ରାମର ଇନ୍ଦିରା କଲୋନୀ ପଡା ସରକାରୀ ପ୍ରାଥମିକ ବିଦ୍ୟାଳୟରେ ଆଜି ଦୁଇଜଣ ଛାତ୍ରୀ ପାଇଖାନା ସଫା କରୁଥିବା ଦେଖାଯାଇଥିଲା ।

Report by Niranjan Goud (Bulu)

Special Correspondent odiabarta.in

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in

Leave a Reply

Your email address will not be published.

error: You are not allowed to copy this content. Thank you.