ଜୁନାଗଡ/ଗୋଲାମୁଣ୍ଡା,୧୮/୧୨ (ରାକେଶ ବେମାଲ) : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଅନ୍ତର୍ଗତ ବୃନ୍ଦାବାହାଲ ଗ୍ରାମରେ ଘଟି ଯାଇଛି ଏକ ଅଘଟଣ । ଘରେ ପଶି ୧୦ ମାସର ଶିଶୁକୁ ବୁଲା କୁକୁର ଆକ୍ରମଣ କରିଛି । ପ୍ରାପ୍ତ ସୂଚନା ଅନୁଯାୟୀ ଅମିତ ମଙ୍ଗରାଜଙ୍କ ଦଶ ମାସର ଛୁଆ ଘରେ ଖେଳୁଥିବା ବେଳେ ହଟାତ ଏକ ବୁଲା କୁକୁର ଘର ଭିତରକୁ ପଶି ଛୁଆର ମୁହଁରେ ଆକ୍ରମଣ କରି ଗାଲର ଗୋଟିଏ ପଟ ମାଂସକୁ ଝୁଣି ଦେଇଛି । ଗୋଲାମୁଣ୍ଡା ବ୍ଲକରେ ବାରମ୍ବାର କୁକୁର ଆକ୍ରମଣରେ ଅନେକ ଲୋକଙ୍କ ପ୍ରାଣ ହାନି ହେଉଛି । ନିକଟ ଅତୀତରେ ଏକ ବୃଦ୍ଧା ଓ ଏକ ଶିଶୁକୁ ବୁଲା କୁକୁର ଝୁଣି ଖାଇଦେଇଥିଲେ । ବାରମ୍ବାର ଏପରି ଅଘଟଣର ପୁନରାବୃତ୍ତି ହେବା ପରେ ମଧ୍ୟ ପ୍ରଶାସନ ତରଫରୁ କିଛି ପଦକ୍ଷେପ ନିଆଯାଉ ନଥିବାରୁ ଜନ ଅସନ୍ତୋଷ ବୃଦ୍ଧି ପାଇବାରେ ଲାଗିଛି ।
ଏଠି ଛୁଇଁ ସବୁ ଖବର ଓ ବିଚାର ସୂଚନା ପାଆନ୍ତୁ ମାଗଣାରେ
https://facebook.com/odiabarta