ପୁଣି ବନ୍ଦ ଡାକରା ଦେଲା ବଲାଙ୍ଗିର ୟୁଥ ଏକ୍ସନ କମିଟି

ବଲାଙ୍ଗିର,୧୯/୨ : ତିନି ଦଫା ଦାବୀ ନେଇ ଦୀର୍ଘ ଦିନ ହେଲା ପ୍ରତ୍ୟକ ମାସର ତୃତୀୟ ବୁଧବାର ଏବଂ ଗୁରୁବାର ଦୁଇଦିନ ଧରି ଅଫିସ ବନ୍ଦ ଡାକରା ଦେଇ ଆସୁଛି ବଲାଗିଂର ଏକ୍ସନ କମିଟୀ । ତେଣୁ ଆଜି (ବୁଧବାର) ଓ କାଲି (ଗୁରୁବାର) ଦୁଇ ଦିନ ଧରି ଜିଲ୍ଲାର ଥିବା ରାଜ୍ୟ ଏବଂ କେନ୍ଦ୍ର ସରକାରକଂ କାର୍ଯ୍ୟାଳୟ, ବେସରକାରୀ କାର୍ଯ୍ୟାଳୟ ଏବଂ କର୍ପୋରେଟ ହାଉସ ବନ୍ଦ ରଖିବା ପାଇଁ ଆହ୍ୱାନ ଦେଇଛି ଏକ୍ସନ କମିଟି । ଆଇନ କଲେଜ ପରିସରରେ ଥିବା ବାର ହଲ ଠାରେ ଏ ନେଇ ପ୍ରସ୍ତୁତି ବୈଠକ ଅନୁଷ୍ଟିତ ହୋଇଯାଇଛି । ଏକ୍ସନ କମିଟୀର ଏହି ବନ୍ଦ ଡାକରାକୁ ଜିଲ୍ଲା ଓକିଲ ସଂଘ, ନାଗରିକ କମିଟୀ, ସିଭିଲ ସୋସାଇଟି ଭଲି ଅନେକ ସଂଗଠନର କର୍ମକର୍ତ୍ତା ସମର୍ଥନ ଦେଇଛନ୍ତି । ତିନି ଦଫା ଦାବୀ ଗୁଡିକ ହେଉଛି, ବଲାଙ୍ଗିର ଠାରେ ହାଇକୋର୍ଟର ସ୍ଥାୟୀ ବ୍ୟାଞ୍ଚ ପୁନଃସ୍ଥାପନ, ଶୀଘ୍ର ବାଇପାସ ରାସ୍ତା ନିର୍ମାଣ ଏବଂ ଅତିଶୀଘ୍ର ବନ୍ଦ ଥିବା ଲୋୟର ସୁକତେଲ ପ୍ରକଳ୍ପର କାମ ଆରମ୍ଭ କରିବା ।