ତପନ କୁମାର ସାହୁ
ରିଞ୍ଜା କର୍ଲାମୁଣ୍ଡା ର ମଝିତି ଅଛେ
ଖତରା ଗୁଟେ ଜୋର
ଭାଙ୍ଗିଛେ ପୋଲ କିଏବି ଘାଏ
ନାଇଁ କରୁଛନ ସୋର ।।
ଶିଶୁମନ୍ଦିର -ଆଦର୍ଶ ତକ ଲମିଛେ
ଇ ଗୁଟେ ବଡ଼ ରାସ୍ତା
ସେନେ ଲଦିଛନ ଗେଠି ରୁଗଡ଼ି
ବାଏଲ ଦୁଇ ଚାର ବସ୍ତା ।।
ଲେଖା ହେଇଛେ ଭଙ୍ଗା ପୋଲ
ଦେଖିଚାହିଁ ଚାଳ
କେନ ଜାନିଛେ କେଭେଁ ଫିଟବା
କେନ ଠିକାଦାର ର କପାଳ ।।
ବରଷା ଗଲା ଶୀତ ସରଲା
ଦଉଛେ ଖରା ରଡି
ତଥାପି ଦେଖ କିଏ ନାହିଁ ପାରୁଛନ
ଜୋର ଲାଗି ଲଡି ।।
ସହ ସହ ଗାଡି ମଟର ଯେନେ
ଚାଲୁଛେ ଦିନରାତ
ଦେଖଲେ ଜାନବୁ ରାସ୍ତା ନୁହେଁ
ଇଟା ମରନର ଗାତ ।।
ବ୍ଲକ ଅଫିସ ବି ଠାନେ ଅଛେ
କିଏ ନାହିଁ ଦେଖନ୍
ଘାଟଳେ ଘଟନା ଆସବେ ଦେଖି
ଏବେ ଦେଖୁଛନ୍ ସପନ ।।
ଭୂପିନ୍ଦର ବବା ହଜିଛନ ଏବେ
ସୁଇଛନ ଭୁବନେଶରେ
ବସନ୍ତ ଆଜ୍ଞା ବି ଲୁକିଚନ ଦିଲ୍ଲୀନେ
ଭୋଟ ଦେଖି ଆଏବେ ପରେ ।।
ବିଜେପି ବିଜେଡି କଂଗ୍ରେସ ନେତା
ପୁରିଛନ ଚାରିକୁତି
ପୁଳିଆ ଭାଙ୍ଗିଛେ ନାହିଁ ଜାନନ
ଚୁରେଇ ଲୁକେଇ କରୁଛନ ଭୂତି ।।
କଲାହାଣ୍ଡି
________________________________________
୨୪x୭ ଖବର ଓ ବିଚାର ସୂଚନା ପାଇବା ପାଇଁ ଏଠି ଛୁଅଁଁନ୍ତୁ
ଗୁଗଲ୍ କ୍ରୋମ୍’ରେ odiabarta.in ଖୋଲି ଲାଲ୍ ବେଲ୍ ବଟନ୍’ରେ ଛୁଅଁଁନ୍ତୁ ଓ ନୋଟିଫିକେସନ୍ ସବସ୍କ୍ରାଇବ୍ କରନ୍ତୁ
