ବ୍ରତୋପନୟନ ଓ ବିବାହ ନିଶୁଳ୍କ ଭାବରେ କରାଯିବ – ଗାୟତ୍ରୀ ପରିବାର

ବୀରମହାରାଜପୁର,୩/୩ ( ବିନୋଦ ପାଣ୍ଡେ ) : ସୁୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଜଗନ୍ନାଥ ମନ୍ଦିର ପରିସରରେ ହେବାକୁଥିବା ୨୪ କୁଣ୍ଡୀୟ ଗାୟତ୍ରୀ ମହାଯଜ୍ଞ ଓ ସଂସ୍କାର ମହୋତ୍ସବ ପାଇଁ କଳସ ଶୋଭାଯାତ୍ରା ହୋଇଯାଇଛି । ଏଥି ସକାଶେ ସ୍ଥାନୀୟ ଚମ୍ପାମାଳ ଚମ୍ପେଶ୍ଵର ପୋଖରୀ ଠାରୁ ଜଗନ୍ନାଥ ମନ୍ଦିର ପରିସରରେ ଠାରେ ଥିବା ଯଜ୍ଞ ମଣ୍ଡପ ଯାଏ ବିଶାଳ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା ।

ଏଥିରେ ଶତାଧିକ ମହିଳା ଓ ପୁରୁଷ ଅଂଶଗ୍ରହଣ କରିଥିବା ବେଳେ ଘଣ୍ଟ ବାଦ୍ଯ, ସଂକୀର୍ତ୍ତନ ଓ ଶଙ୍ଖ ବାଦ୍ଯ ପରିବେଷିତ ହୋଇଥିଲା । ଏଠାରେ ଗାୟତ୍ରୀ ମହାଯଜ୍ଞ ଓ ସଂସ୍କାର କାର୍ଯକ୍ରମ ସାଙ୍ଗକୁ ପ୍ରତେକ ଦିବସର ଯୁଗ ସଙ୍ଗୀତ, ପ୍ରବଚନ, ସାମୂହିକ ଜପ,ଦେବ ପୂଜନ, ଧ୍ୟାନ, ଯୋଗ,ବ୍ୟାୟାମ, ପାରିବାରିକ ଗୋଷ୍ଠୀ, ଦୀପଯଜ୍ଞ ଅନୁଷ୍ଠିତ ହେବ ବୋଲି ବୀରମହାରାଜପୁର ଗାୟତ୍ରୀ ପରିବାର ପକ୍ଷରୁ ସୂଚନା ମିଳିଛି ।