୨-୧ ରେ ସିରିଜ ଜିତିଲା ଭାରତ

ମେଲବୋର୍ନ: ମେଲବୋର୍ନ ଠାରେ ଆଜି ତିନି ମ୍ୟାଚ ବିଶିଷ୍ଟ ଦିନିକିଆ କ୍ରିକେଟ ଶୃଙ୍ଖଳାର ତୃତୀୟ ତଥା ଶୃଙ୍ଖଳା ବିଜୟୀ ହେବାର ନିର୍ଣ୍ଣାୟକ ମ୍ୟାଚ ର ଖେଳ ହୋଇଥିଲା। ସିଡନୀଠାରେ ଘରୋଇ ଅଷ୍ଟ୍ରେଲିଆ ଦଳ ୩୪ ରନ ରେ ପ୍ରଥମ ମ୍ୟାଚ ବିଜୟୀ ହୋଇଥିଲା। ଆଡିଲେଡ ଠାରେ ଦ୍ବିତୀୟ ମ୍ୟାଚକୁ ଭାରତୀୟ ଦଳ ୬ ଉଇକେଟରେ ବିଜୟୀ ହୋଇ ଶୃଙ୍ଖଳାକୁ ୧-୧ ସ୍ଥିତିରେ ରଖିବାକୁ ସମର୍ଥ ହୋଇଥିଲା।

ଭାରତ ଟସ ଜିତି ପ୍ରଥମେ ବୋଲିଂ କରିବାର ନିଷ୍ପତି ନେଇ ଅଷ୍ଟ୍ରେଲିଆକୁ ବ୍ଯାଟିଂ କରିବା ପାଇ ଆମନ୍ତ୍ରିତ କରିଥିଲା। ଅଷ୍ଟ୍ରେଲିଆ ପ୍ରଥମ ଇନିଂସରେ ୪୮. ୪ ଓଭରରେ ସମସ୍ତ ଉଇକେଟ ହରାଇ ୨୩୦ ରନ କରିଥିଲା। ହେଣ୍ଡକମ୍ସ ୫୮ ରନ କରିଥିଲେ ୬୩ ବଲ ରେ।ସେ ୨ ଟି ଚୌକା ମାରିଥିଲେ।ସନ ମାର୍ସ ୩୯ ରନ କରିଥିଲେ ୫୪ ବଲ ରେ। ସେ ୩ ଟି ଚୌକା ମାରିଥିଲେ। ୟୁଜବେନ୍ଦ୍ର ଚହଳ ୬, ଭୁବନେଶ୍ବର ଓ ସାମି ୨ ଉଇକେଟ ଅକ୍ତିଆର କରିଥିଲେ।

ମ୍ଯାନ ଅଫ ଦ ସିରିଜ ଧୋନୀ 

ଦ୍ୱିତୀୟ ଇନିଂସରେ ଭାରତ ୪୯.୨ ବଲରେ ୩ ଉଇକେଟ ହରାଇ ୨୩୪ ରନ କରି ବିଜୟୀ ହୋଇଥିଲା। କେଦାର ଯାଦବ ଚୌକା ମାରି ଦଳକୁ ବିଜୟୀ କରାଇଥିଲେ। ଧୋନି ୮୭ ରନ କରିଥିଲେ ୧୧୪ ବଲ ଖେଳି ସେ ୬ ଟି ଚୌକା ମାରିଥିଲେ । କେଦାର ଯାଦବ ୬୧ ରନ କରିଥିଲେ ୫୭ ବଲରେ ଯେଉଁଥିରେ ୭ ଟି ଚୌକା ସାମିଲ ଥିଲା। କେଦାର ଯାଦବ ଓ ମହେନ୍ଦ୍ର ସିଂହ ଧୋନୀ ଅପରାଜିତ ରହି ଇନିଂସ ର ଅନ୍ତିମ ଓଭରରେ ରୋମାଞ୍ଚକ ବିଜୟୀ ହାସଲ କରିଥିଲେ । ଏହି ମ୍ୟାଚ ବିଜୟ ସହିତ ଭାରତ ୨-୧ ରେ ପ୍ରଥମଥର ଲାଗି ଅଷ୍ଟ୍ରେଲିଆ ଠାରେ ଦ୍ବିପାକ୍ଷିକ ଦିନିକିଆ କ୍ରିକେଟ ମ୍ୟାଚ ଶୃଙ୍ଖଳା ବିଜୟୀ ହେବାର ଗୌରବ ଅର୍ଜନ କରିଥିଲା।

ମ୍ଯାନ ଅଫ ଦ ମ୍ୟାଚ ଚହଳ 

ଚହଳ ନିଜର ଚମତ୍କାର ବୋଲିଂ ପ୍ରଦର୍ଶନ ପାଇଁ ମ୍ଯାନ ଅଫ ଦ ମ୍ୟାଚ ବିବେଚିତ ହୋଇଥିଲେ । ସେ ୧୦ ଓଭର ବୋଲିଂ କରି ୪୨ ରନ ଦେଇ ବହୁମୂଲ୍ଯ ୬ ଉଇକେଟ ଅକ୍ତିଆର କରିଥିଲେ। ଧୋନୀ ମ୍ଯାନ ଅଫ ଦ ସିରିଜ ଘୋଷିତ ହୋଇଥିଲେ। ଶୃଙ୍ଖଳାର ତିନି ମ୍ୟାଚରେ ସେ ତିନୋଟି ଅର୍ଦ୍ଧଶତକ ହାସଲ କରି ମୋଟ ୧୯୩ ରନ ସଂଗ୍ରହ କରିଥିଲେ। ଭାରତ ନିଜର ଅଷ୍ଟ୍ରେଲିଆ ଗସ୍ତ ଶୃଙ୍ଖଳା ବିଜୟ ସହ ସମାପ୍ତ କରିଛି।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in

Leave a Reply

Your email address will not be published.

error: You are not allowed to copy this content. Thank you.