✍🏾ରଞ୍ଜିତ କୁମାର ସାହୁ
ବାନ୍ଧିଣ ମେଲାଣି ତରୁଣ ରମଣୀ
ପୁଣି ରଙ୍ଗି ଗଲେ ରଙ୍ଗ ଖେଳରେ
ସଜ ହୋଇ ଫୁଲେ ପ୍ରଭୁ ଚିନ୍ତାମଣି
ବିଜେ କଲେ ପୁଣି ଗାଆଁ ଦୋଳରେ ।
ବାଜୁଛି ମାଦଳ ଭାବରେ ବିହ୍ଵଳ
ହୃଦୟ ନାଚେ ଜହ୍ନ ଆଲୋକେ
ଦୋଳରେ ବୁଲନ୍ତି ରାଇ ଦାମୋଦର
ଗଗନ କମ୍ପଇ କୃଷ୍ଣ ନାମ ଡାକେ ।
ଭେଦଭାବ ଭୁଲି ହରି ବୋଲ ବୋଲି
ସମ୍ପର୍କର ଡୋରି ବାନ୍ଧନ୍ତି ଜନେ
ଶାନ୍ତି ମୈତ୍ରୀ ପ୍ରୀତି ବାରତା ଦିଅଇ
ଦୋଳ ଯାତ୍ରାଟି ଭକ୍ତିଭରା ସ୍ଵନେ ।
ଫାଲଗୁନେ ଖେଳେ ଫୁଲର ସୌରଭ
ମେଦିନୀ କୋଳରେ ମହକ ଭରି
ଆଜି ମୁଁ ବାନ୍ଧିବି ହରି ସାଥେ ପୁଣି,
ଅବିର ରଙ୍ଗରେ ଭକ୍ତିର ଡୋରି ।।