ଓଡ଼ିଆ ବାର୍ତ୍ତା/ ଭବାନୀପାଟଣା: ଯୁବ ମଞ୍ଚ କଳାକାର ଲିପ୍ସାରାଣୀ ବାରିକ ଭାରତ ସରକାରଙ୍କ ସାଂସ୍କୃତିକ ସାଧନ ଓ ପ୍ରଶିକ୍ଷଣ କେନ୍ଦ୍ର ତରଫରୁ ୨୦୧୯-୨୦ ମସିହା ନିମନ୍ତେ ସିନିଅର୍ ସ୍କଲାର୍ସିପ୍ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି। ଓଡ଼ିଶାରୁ ଜଣେମାତ୍ର ଥିଏଟର୍ ଶିଳ୍ପୀ ଭାବେ ସେ ଏହି ସ୍କଲାର୍ସିପ୍ ପାଇବେ।
ଭବାନୀପାଟଣା କାଳୀମନ୍ଦିର ପଡ଼ା ନିବାସୀ ଲିପ୍ସା ପିଲାଟି ବେଳରୁ ନୃତ୍ୟ ଓ ଅଭିନୟରେ ରୁଚି ରଖିଥିବା ବେଳେ ବିଭିନ୍ନ ଜାତୀୟ ଓ ଅନ୍ତର୍ଜାତୀୟ କାର୍ଯ୍ୟକ୍ରମରେ ତାଙ୍କର କଳା ପ୍ରଦର୍ଶନ କରି ପ୍ରଶଂସିତ ହୋଇସାରିଛନ୍ତି। ଏପର୍ଯ୍ୟନ୍ତ ସେ ୩୦ରୁ ଅଧିକ ନାଟକର ଅଭିନୟ କରିସାରିଛନ୍ତି। ସେହିଭଳି ଶାସ୍ତ୍ରୀୟ ଓ ଲୋକନୃତ୍ୟରେ ତାଙ୍କର ପାରିଦର୍ଶିତା ରହିଛି। ନାଟ୍ୟକାର ପରମେଶ୍ବର ମୁଣ୍ଡଙ୍କ ଅଧିନରେ ଥିଏଟର୍ ସେ କାମ କରିଆସୁଥିଲେ। ଥିଏଟର୍ ଉପରେ ଅଧିକ ଗବେଷଣା ପାଇଁ ସେ ସିନିଅର୍ ସ୍କଲାର୍ସିପ୍ ପାଇଥିବାରୁ କଳାହାଣ୍ଡି ଜିଲ୍ଲାରେ ଖୁସିର ଲହରି ଖେଳିଯାଇଛି।
