କେଗାଁ ମୁଖ୍ୟ ବସ୍ତି ରାସ୍ତାର ଦୂରାବସ୍ଥା: ରାସ୍ତା କୋଡି ଦେଇଛନ୍ତି ଠିକାଦାର, ହିନସ୍ଥା ହେଉଛନ୍ତି ଜନତା, ଏପଟେ କାମ ଉଧାଉ ନାହିଁ

ଓଡ଼ିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଳେଇ): ଗୋଲାମୁଣ୍ଡା ବ୍ଲକ କେଗାଁ ପୁର୍ତ୍ତ ବିଭାଗ ଅଧିନରେ ଥିବା ମୁଖ୍ୟ ବସ୍ତି ରାସ୍ତା ଦିର୍ଘ ଦିନ ହେଲା ଖାଲଖମାରେ ଭର୍ତ୍ତି ହୋଇ ରହିଥିଲା । ବର୍ଷା ଦିନ ହେଲେ ଯାତାୟତରେ ଅନେକ ଅସୁବିଧା ହେଉଥିଲା । ଏନେଇ ଅନେକ ଥର ସ୍ଥାନୀୟ ଲୋକେ ବିଭାଗୀୟ ଅଧିକାରିଙ୍କୁ ଦୃଷ୍ଟି ଆକର୍ଷଣ କରିବା ପରେ ଗତ ୧ ତାରିଖ ଦିନ ଏହାର ମରାମତି କାର୍ଯ୍ୟ ଏକ ଠିକାଦାର ଜରିଆରେ ଆରମ୍ଭ ହୋଇଥିଲା । ୧ ତାରିଖ ଦିନ ପ୍ରାୟ ୨୫୦ ମିଟର ରାସ୍ତାକୁ ସଂପୃକ୍ତ ଠିକାଦାର ଜେସିବି ସାହାର୍ଯ୍ୟରେ କୋଡି ଦେଇଥିଲେ । ଏହି ରାସ୍ତାର ଏକ ପାଶ୍ୱକୁ କୋଡି ସଂପୃକ୍ତ ଠିକାଦାରଙ୍କ ଅଜିଯାଏଁ ଦେଖା ଦେଉନଥିବା ବେଳେ ଲୋକମାନଙ୍କୁ ଯାତାୟତରେ ଘୋର ଅସୁବିଧା ହେଉଛି । ଏହି ରାସ୍ତା ଉପରେ କେଗାଁ, ନୁଆଗାଁ, ବଡଚେରଗାଁ, ଚହକା ଓ ଉଛୁଲା ଗ୍ରାମପଞ୍ଚାୟତରେ ଲୋକେ ନିର୍ଭର କରୁଥିବା ବେଳେ ଦୈନିକ ଶହ ଶହ ସଂଖ୍ୟାରେ ଛୋଟ ବଡ ଯାନ ଯିବା ଆସିବା କରିଥାଏ । ସ୍କୁଲ ଓ କଲେଜ ଛାତ୍ରଛାତ୍ରୀମାନ ମଧ୍ୟ ଏହି ରାସ୍ତା ଦେଇ ଯିବା ଆସିବା କରନ୍ତି । ରାସ୍ତାର ଏକ ପାର୍ଶ୍ୱ କୋଡି ଖାଲ ହୋଇଥିବା ବେଳେ ରାସ୍ତା ମଝିରେ ବଡ ବଡ ମେଟାଲ ଓ ଉଭୟ ପାର୍ଶ୍ୱରେ ବଡ ମେଟାଲ ପଡି ରହିଥିବାରୁ ଅନେକ ସମୟରେ ସ୍କୁଲ ଓ କଲେଜ ଛାତ୍ରଛାତ୍ରୀମାନେ ସାଇକଲରୁ ତଳେ ପଡିଯାଉଥିବା ବେଳେ ବାଇକ ଚାଳକମାନଙ୍କୁ ମଧ୍ୟ ଘୋର ଅସୁବିଧା ହେଉଛି । ଏସଂକ୍ରାନ୍ତରେ ବିଭାଗୀୟ କନିଷ୍ଠ ଯନ୍ତ୍ରି ବିଜୟ ପ୍ରଧାନଙ୍କୁ ପଚାରିବାକୁ ସଂପୃକ୍ତ ଠିକାଦାର ଜଣଙ୍କୁ ଶିଘ୍ର କାମ ସାରିବାକୁ ଆମ୍ଭ କହୁଛୁ କିନ୍ତୁ ଠିକାଦାର ଜଣକ କଥା ମାନୁନଥିବା କହିଥିଲେ । ଏଣୁ ପୁର୍ତ୍ତ ବିଭାଗ ପକ୍ଷରୁ ସଂପୃକ୍ତ ଠିକାଦାରଙ୍କୁ ତାଗିତ କରି ଯଥା ଶିଘ୍ର କାର୍ଯ୍ୟ ସାରିବାକୁ ସ୍ଥାନୀୟ ଲୋକେ ଦାବୀ କରିଛନ୍ତି

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.