ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): ବିଶିଷ୍ଟ ସାମ୍ବାଦିକ ତଥା ବଡଖବରର ମୁଖ୍ୟ ସମ୍ପାଦକ ଅର୍ଦ୍ଧେନ୍ଦୁ ଦାସଙ୍କୁ କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା ଗିରଫ କରିବା ଘଟଣାକୁ ନେଇ ରାଜ୍ୟ ସାରା ତୀବ୍ର ହେଉଛି ପ୍ରତିବାଦର ସ୍ୱର। ଆଜି ମ.ରାମପୁର ଜନଜାଗରଣ ମଞ୍ଚ ପକ୍ଷରୁ ଏକ ପ୍ରତିବାଦ ରାଲି କରାଯିବା ସହ ରାଜ୍ୟପାଳଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦାବିପତ୍ର ପ୍ରଦାନ କରାଯାଇଥିଲା । ମ.ରାମପୁର ରାଧାକୃଷ୍ଣ ମନ୍ଦିରରୁ ଏକ ଶୋଭା ଯାତ୍ରା ବାହାରି ସହର ପରିକ୍ରମାକରି ତହସିଲ କାର୍ଯ୍ୟାଳୟକୁ ଆସିଥିଲେ ଏବଂ ତହସିଲଦାର ଜୟନ୍ତ କୁମାର ମେହେର ଦାବୀ ପତ୍ର ଗ୍ରହଣ କରିଥିଲେ। ଏହି ରାଲିରେ ବରିଷ୍ଠ ବିଜେପି ନେତା ପଦ୍ମ ଲୋଚନ ମିଶ୍ର, ବିଜେପି ମ.ରାମପୁର ମଣ୍ଡଳ ସଭାପତି ପ୍ରତାପ ଚନ୍ଦ୍ର ରଣା, ଦିବାକର ବାଗ, ଖୁସି ରାମ ସାହୁ, ରାଜୁ ମାଝୀ, ଜିଲ୍ଲା କଂଗ୍ରେସ ସାଧାରଣ ସମ୍ପାଦକ ବିଭୂତି ଭୂଷଣ ମହାଖୁଡ, ଚମରା ବଗର୍ତ୍ତୀ, ପ୍ରଭାକର ନାଗ, ଜୋନ ସଭାପତି ରଶ୍ମୀ ରଞ୍ଜନ ପ୍ରହରାଜ, ସମାଜସେବୀ ସତ୍ୟ ନାରାୟଣ ସାହୁ, ସିପିଆଇ (ଏମ) ତରଫରୁ ବ୍ରାଞ୍ଚ ସଂପାଦକ ସତ୍ୟଜିତ ଚାଟାର୍ଜୀ, ଗଙ୍ଗାଧର ପ୍ରହରାଜ, ବରିଷ୍ଠ ସାମ୍ବାଦିକ ତଥା ମ,ରାମପୁର ପ୍ରେସ କ୍ଳବ୍ ସଭାପତି ପ୍ରଶାନ୍ତ ସାମନ୍ତରା, ବଡ ଖବର ପ୍ରତିନିଧି ହେମନ୍ତ ସାହୁ, ବରିଷ୍ଠ ସାମ୍ବାଦିକ ଉଦ୍ଧବ ପଣ୍ଡା, ନିରଞ୍ଜନ ମହାରଣା, ଅନନ୍ତ କୁମାର ପାଲ୍, ସଂଯୁକ୍ତା ପୁରୋହିତ, ପୟଧର ସାହୁ, ଜଗତ କୁମାର ସାହୁ, ପ୍ରଶାନ୍ତ ସାହୁ, କୁଞ୍ଜ ବିହାରୀ ହାତୀ, ଶେଷ ଦେବ ସାହୁଙ୍କ ସମେତ ଅନେକ ବୁଦ୍ଧିଜୀବୀ ସାମିଲ ହୋଇଥିବା ବେଳେ ମାନସ ରଞ୍ଜନ ପ୍ରହରାଜ, ମଳୟ ରଞ୍ଜନ ମିଶ୍ର, ଗୌତମ ମହାଖୁଡ, ସୋମନାଥ ଦାଶ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।