ରନବୀର ନା ଦୀପିକା, କିଏ ବେଶୀ ଧନୀ?

ଏହାରି ଭିତରେ ରନବୀର ସିଂ ଏବଂ ଦୀପିକା ପାଦୁକୋନ ମଧ୍ୟରେ ବିବାହ ଶେଷ ହୋଇଛି । ଏବେ ସୋସିଆଲ ମିଡିଆରେ ଉଭୟଙ୍କ ବାହାଘର ଫଟୋ ଭାଇରାଲ ହେବାରେ ଲାଗିଛି । ନିଜନିଜ କ୍ୟାରିଅରରେ ଦୁଇ ତାରକାଙ୍କ ଖ୍ୟାତି ଶୀର୍ଷରେ ରହିଛି ।

ଆସନ୍ତୁ ଜାଣିବା ଏହି ଦୁଇ ସିନେ ତାରକାଙ୍କ ମଧ୍ୟରେ କିଏ ବେଶୀ ଧନୀ ।

ଦୀପକା ବଲିଉଡର ହାଇଏଷ୍ଟ ପେଡ୍ ଅଭିନେତ୍ରୀ ମଧ୍ୟରେ ଗଣା ଯାଆନ୍ତି । ସଂଜୟଲିଲା ଭନସାଲିଙ୍କ ପଦ୍ମାବତୀ ଫିଲ୍ମ ପାଇଁ ସେ ୧୨କୋଟି ଟଙ୍କା ଫି’ ନେଇଥିଲେ । ଯାହା ଏହି ଫିଲ୍ମର ଅନ୍ୟ କୋଷ୍ଟାର ଠାରୁ ଢେର ଅଧିକ ଥିଲା । ଦୀପିକା ପ୍ରତ୍ୟେକ ଫିଲ୍ମ ପାଇଁ ୮ରୁ ୧୦କୋଟି ଟଙ୍କା ଫି’ ନେଇଥାନ୍ତି । ଫୋବର୍ସ ପକ୍ଷରୁ ୨୦୧୭ରେ କରାଯାଇଥିବା ଦେଶର ଧନୀ ତାଲିକାରେ ଦୀପିକା ୧୧ନମ୍ବରରେ ଥିଲେ । ତାଙ୍କର ସମୁଦାୟ ସଂପତ୍ତି ୫୯.୫କୋଟି ଟଙ୍କା ବୋଲି କୁହାଯାଇଛି । ବିଭିନ୍ନ ବ୍ରାଣ୍ଡ ପାଇଁ ବିଜ୍ଞାପନରେ ୫ରୁ ୭କୋଟି ଟଙ୍କା ଫି’ ନେଇଥାନ୍ତି ।

ସେହିପରି ଫୋବର୍ସ ତାଲିକା-୨୦୧୭ ଅନୁଯାୟୀ ରନବୀରଙ୍କ ମୋଟ ସଂପତ୍ତି ୬୨.୬କୋଟି । ସେ ଉକ୍ତ ତାଲିକାର ୧୦ ନମ୍ବରରେ ଥିଲେ । ଏଥିସହ ବିଭିନ୍ନ ବ୍ରାଣ୍ଡ ପାଇଁ ବିଜ୍ଞାପନ କରିଥାନ୍ତି । ଫୋବର୍ସ ପକ୍ଷରୁ ୨୦୧୮ର ଧନୀତାଲିକା ପ୍ରସ୍ତୁତ କରାଯାଇ ନଥିବାରୁ ବର୍ତ୍ତମାନ ସୁଦ୍ଧା ରନବୀର ଦୀପିକାଙ୍କ ଠାରୁ ବେଶୀ ଧନୀ ।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.