ଓଡ଼ିଆ ବାର୍ତ୍ତା/ କଳାହାଣ୍ଡି (ରଜତ ବଂଶଳ): କଳାହାଣ୍ଡି ଜିଲ୍ଲାର ଯୁବ ସାମ୍ୱାଦିକ କାମେଶ ନାଗ ଭୁବନେଶ୍ୱରଠାରେ ଓଡିଶା ପ୍ରତିଭା ସମ୍ମାନରେ ସମ୍ମାନିତ ହେବେ l ସାମ୍ବାଦିକତାକୁ ସମାଜସେବା ଭାବେ ଆରମ୍ଭ କରି ସେ ସବୁବେଳେ ଗରିବ, ନିରୀହ, ନିଷ୍ପେସିତ, ଦିବ୍ୟାଙ୍ଗଙ୍କ ଖବର ପ୍ରସାରଣ କରିଥାନ୍ତି l ମୁଖ୍ୟତଃ ଶାଗବାହାଳିର ଜଣେ ଝିଅର ଆତ୍ମହତ୍ୟା ଘଟଣା, ଗଛମୂଳେ କରୋନା ଆକ୍ରାନ୍ତ, ହିତାଧିକାରୀଙ୍କ ଟଙ୍କା ହଡପ, ବିଦ୍ୟାଳୟରେ ଶିକ୍ଷକ ଅଭାବ, ଆଦିବାସୀଙ୍କୁ ଆକ୍ରମଣ, ଏସସି, ଏସଟି, ଓବିସିଙ୍କ ଅଧିକାର ପାଇଁ ଖବର ପ୍ରସାରଣ କରିଆସୁଛନ୍ତି l ସେଥିପାଇଁ ଶ୍ରୀ ନାଗ ପୂର୍ବରୁ ମଧ୍ୟ ଭୁବନେଶ୍ୱରରେ ସମ୍ମାନିତ ହୋଇଥିଲେ l ବର୍ତ୍ତମାନ ଓଡିଶା ପ୍ରତିଭା ସମ୍ମାନରେ ସମ୍ମାନିତ ହେବା ଖବର ଶୁଣି ଅଞ୍ଚଳରେ ଖୁସିର ଲହରୀ ଖେଳିଯାଇଛି l
