ସଇଁତଲାରେ ଆରମ୍ଭ ହେଲା କଂଗ୍ରେସର ଜନସମ୍ପର୍କ ପଦଯାତ୍ରା

ଘରେ ଘରେ କଂଗ୍ରେସ ଓ ଘରେ ଘରେ ହାତ କାର୍ଯ୍ୟକ୍ରମ

ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ମହାତ୍ମା ଗାନ୍ଧୀଙ୍କ ପବିତ୍ର ଜୟନ୍ତୀ ଅବସରରେ ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକଙ୍କ ଆହ୍ୱାନ କ୍ରମେ ସଇଁତଲା କଂଗ୍ରେସ କମିଟି ତରଫରୁ ରବିବାର “ଘରେ ଘରେ କଂଗ୍ରେସ – ଘରେ ଘରେ ହାତ” ପଦଯାତ୍ରା ଆରମ୍ଭ ହୋଇଛି । ସ୍ଥାନୀୟ ଚଣ୍ଡୀ ମନ୍ଦିର ଠାରେ ପୂଜାର୍ଚ୍ଚନା ପରେ ପ୍ରଥମେ ଆମ୍ବପାଲି ପଞ୍ଚାୟତରୁ ଏହି ପଦଯାତ୍ରାୟ ଶୁଭାରମ୍ଭ ହୋଇଛି l ପଞ୍ଚାୟତର ଖୁସମାଲ , ଆମ୍ବପାଲି, ଭେରୁଆଭଟ୍ଟା, ଘଣ୍ଟମାଲ ଓ ଗୁର୍ଜିଭଟ୍ଟା ଗ୍ରାମକୁ ଏହି ପଦଯାତ୍ରା ପହଂଚିବା ପରେ ବିପୁଳ ସମ୍ବର୍ଦ୍ଧନା ଦେଇ ସ୍ୱାଗତ କରାଯାଇଥିଲା । ପୂର୍ଵତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇଙ୍କ ତତ୍ତ୍ୱବଧାନରେ ଆୟୋଜିତ ଏହି ଜନ ସମ୍ପର୍କ ସଭାରେ ସେ ଲୋକମାନଙ୍କ ସହ ଆଲୋଚନା କରି ବିଭିନ୍ନ ସମସ୍ୟା ଉପରେ ପଚାରି ବୁଝିଥିଲେ l ଦୀର୍ଘ ୨୩ ବର୍ଷର ଅପାରଗତା ଓ ଜନ ବିରୋଧି ବିଜେଡି ସରକାର ଏବଂ ୯ ବର୍ଷରୁ ଉର୍ଦ୍ଧ ସମୟ ଧରି କେନ୍ଦ୍ରରେ ଥିବା ଜନ ବିରୋଧି ମୋଦି ସରକାରଙ୍କ ମିଛ ପ୍ରତିଶ୍ରୁତି ଓ ପ୍ରତାରଣାକୁ ନେଇ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ କଡା ସମାଲୋଚନା କରିଥିଲେ ପୂର୍ବତନ ମନ୍ତ୍ରୀ ଶ୍ରୀ ସିଂ ଭୋଇ l ଏହି ପଦଯାତ୍ରାରେ ରାଜ୍ୟ ଯୁବ କଂଗ୍ରେସ ସମ୍ପାଦକ ସୁବ୍ରତ ବେହେରା, ଟିଟିଲାଗଡ଼ ନିର୍ବାଚନ ମଣ୍ଡଳୀର ପଯ୍ୟବେକ୍ଷକ ସନ୍ତକ ବହିଦାର, ବ୍ଲକ କଂଗ୍ରେସ ସଭାପତି ଗୁଣସାଗର ମାଝୀ, ସମିତି ସଭ୍ୟ ସିମ୍ରରନ ସିଂ ଭୋଇ, ପୂର୍ଵତନ ସମିତି ସଭ୍ୟ ଛନ୍ଦାଚରଣ ବେହେରା, ଯୁବ ନେତା ଶୋଭେନ ସିଂ ଭୋଇ, ଅମିତ ରଥ , ସନ୍ତୋଷ ସୁନା , ପୂର୍ଵତନ ସରପଞ୍ଚ ମୁକୁନ୍ଦ ନାଗ, ସଫଳ ମାଝୀ, ଶୋଭାଶିଷ ଛତ୍ରିଆ, ପ୍ରମୋଦ ଭୋଇ, ନାରୀନେତ୍ରୀ ଦୀପାଞ୍ଜଳି ବାରିକଙ୍କ ସମେତ ବହୁ ଦଳୀୟ କର୍ମକର୍ତ୍ତା ଉପସ୍ଥିତ ଥିଲେ l