ଉତ୍କଳ ହସ୍‍ପିଟାଲରେ ଲାପାରୋସ୍କୋପି ଉଦ୍‍ଘାଟିତ

ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ଏହି ଅଞ୍ଚଳର ଜନସାଧାରଣଙ୍କ ସ୍ୱାସ୍ଥ୍ୟ ଏବଂ କଲ୍ୟାଣ ନିମନ୍ତେ ନିରନ୍ତର ପ୍ରତିବଦ୍ଧ ପ୍ରୟାସରେ ଆଦିତ୍ୟ ବିର୍ଲା ଗ୍ରୁପ୍‍ର ହିଣ୍ଡାଲ୍‍କୋ ଇଣ୍ଡଷ୍ଟ୍ରିଜ ଲିମିଟେଡର ଏକ ସହଯୋଗୀ କମ୍ପାନୀ ଉତ୍କଳ ଆଲୁମିନା ଇଣ୍ଟରନ୍ୟାସନାଲ ଲିମିଟେଡ ଟିକିରି ଠାରେ ଏକ ମଲ୍‍ଟି ସ୍ପେଶାଲିଟି ଉତ୍କଳ ହସ୍‍ପିଟାଲ ସ୍ଥାପନ କରିଛି ଯାହା ବାର୍ଷିକ ୩୦,୦୦୦ରୁ ଅଧିକ ଲୋକଙ୍କୁ ସ୍ୱାସ୍ଥ୍ୟସେବା ଯୋଗାଇ ଆସୁଛି । ସ୍ଥାନୀୟ ଜନସାଧାରଣଙ୍କୁ ଉନ୍ନତ ଚିକିତ୍ସା ସୁବିଧା ଯୋଗାଇ ଦେବା ଦୃଷ୍ଟି କୋଣରୁ ଉତ୍କଳ ହସ୍‍ପିଟାଲ ଲାପାରୋସ୍କୋପି ସୁବିଧା ଆରମ୍ଭ କରିଛି ଯାହା ଫଳପ୍ରଦ ଅସ୍ତ୍ରୋପଚାରକୁ ସୁନିଶ୍ଚିତ କରିବା ସହିତ ସେମାନଙ୍କର ଖର୍ଚ୍ଚ ଏବଂ ଚିକିତ୍ସା ଅବଧି ମଧ୍ୟ ହ୍ରାସ କରିବ । ଏହି ବ୍ୟବସ୍ଥାକୁ ମଜହର ବେଗ୍‍, ୟୁନିଟ୍‍ ହେଡ ଏବଂ ପ୍ରେସିଡେଣ୍ଟ, ଉତ୍କଳ ଆଲୁମିନା ଓ ଶ୍ରୀମତୀ ହିନା ବେଗ୍‍, ପ୍ରେସିଡେଣ୍ଟ, ଉଜ୍ୱଳ ଉତ୍କଳ ଲେଡିଜ୍‍ କ୍ଲବ୍‍ ଚଳିତ ନଭେମ୍ବର ମାସ ୧୨ ତାରିଖରେ ଉଦ୍‍ଘାଯନ କରିଥିଲେ । ବିଜୟ କୁମୁରା, ୟୁନିଟ୍‍ ଏଚଆର୍‍ ହେଡ, ଡଃ.ଅରିନ୍ଦମ୍‍ ରୟ ଚୌଧୁରୀ, ହେଡ୍‍ ଉତ୍କଳ ମେଡିକାଲ ସର୍ଭିସେସ୍‍ ଏବଂ ସିଏମ୍‍ଓ, ଶ୍ରୀମତୀ ଲୋପାମୁଦ୍ରା ମିଶ୍ର, ହେଡ୍‍ ସିଏସ୍‍ଆର ଆଣ୍ଡ ସିଆର୍‍ ଉତ୍କଳ ଆଲୁମିନା ପ୍ରମୁଖ ବିଶିଷ୍ଟ ବ୍ୟକ୍ତବିଶେଷ ଏହି ଅବସରରେ ଉପସ୍ଥିତ ଥିଲେ । ମଜହର ବେଗ୍‍, ୟୁନିଟ ହେଡ୍‍, ଉତ୍କଳ ଆଲୁମିନା ଉଦ୍‍ଘାଟନୀ ଉତ୍ସବରେ ସମାଜ ପ୍ରତି ଉଲ୍ଲେଖନୀୟ ଅବଦାନ ରଖୁଥିବା ଏଭଳି ମହତ୍‍ ବ୍ୟବସ୍ଥାର ଶୁଭାରମ୍ଭ ନିମନ୍ତେ ଉତ୍କଳ ଆଲୁମିନାର ଚିକିତ୍ସା ଟିମ୍‍କୁ ହାର୍ଦ୍ଦିକ କୃତଜ୍ଞତା ଜଣାଇଥିଲେ । ସେ ମଧ୍ୟ ଉଲ୍ଲେଖ କରିଥିଲେ ଯେ, ଏହି ପ୍ରୟାସ ଜରିଆରେ ଆମେ ଉତ୍କଳ ଆଲୁମିନା ହସ୍‍ପିଟାଲର ପ୍ରୟାସରେ ଆଉ ଏକ ସଫଳତାର ଫର୍ଦ୍ଦ ଯୋଡିଛୁ ଯାହା ଦ୍ୱାରା ଏହି ଆଦିବାସୀ ଅଧ୍ୟୁଷିତ ଆଭ୍ୟନ୍ତରୀଣ ଅଞ୍ଚଳରେ ସର୍ବାଧୁନିକ ଚିକିତ୍ସା ସେବା ଯୋଗାଇ ଦିଆଯିବ ।

Omkar Vasthu
Omkar Vasthu

Pearl dental clinic
Near Ashish Medical Store, Bhawanipatna

Udyog Nursery
Udyogi Nursery
Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.