ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ସଂସଦରେ ଆତଙ୍କ ସୃଷ୍ଟି କରିବା ମାମଲାର ମାଷ୍ଟର ମାଇଣ୍ଡ ଲଲିତ ଝାକୁ ଦିଲ୍ଲୀ ପୋଲିସ ଦିଲ୍ଲୀରୁ ଗିରଫ କରିଛି। ଲଲିତ ଝା ଏକ ଭିଡିଓ ସେୟାର କରିଥିଲେ ଯେଉଁଥିରେ ଦୁଇ ଜଣ ଯୁବକ ଲୋକସଭା ଭିତରେ ଗଣ୍ଡଗୋଳ ସୃଷ୍ଟି କରିବା ସହ ରଙ୍ଗିନ ଧୂଆଁ ସ୍ପ୍ରେ ଛାଡ଼ୁଥିବା ଦେଖିବାକୁ ମିଳିଥିଲା। ସଂସଦର ଲୋକସଭାରେ ପ୍ରବେଶ କରିବା ଏବଂ ଏକ ଧୂଆଁ ସ୍ପ୍ରେ କରିବା ଲଲିତ ଝାଙ୍କ ଷଡଯନ୍ତ୍ର ଥିଲା। ପୋଲିସ ତାଙ୍କର ୪ ଜଣ ସହଯୋଗୀଙ୍କୁ ଗିରଫ କରିସାରିଛି। କିନ୍ତୁ ମାଷ୍ଟରମାଇଣ୍ଡ ଲଳିତ ଝା ଫେରାର ଥିଲା। ଆଜି ପୋଲିସ କିନ୍ତୁ ଗିରଫ କରିଛି। ପୋଲିସ୍ ରିପୋର୍ଟ ଅନୁଯାୟୀ, ଲଳିତ ଝା ଏହି ଷଡଯନ୍ତ୍ରରେ ସମ୍ପୃକ୍ତ ଲୋକଙ୍କୁ ଗୁରୁଗ୍ରାମରେ ଏକ ବୈଠକ ପାଇଁ ଡାକିଥିଲେ। ଆତଙ୍କ ସୃଷ୍ଟି କରିବା ପୂର୍ବରୁ ଲଳିତ ଝା ସମସ୍ତଙ୍କ ମୋବାଇଲ ଫୋନରୁ ସମସ୍ତ ପ୍ରମାଣ ହଟାଇ ଦେଇଥିଲେ। ଏହା ପରେ ସେ ସେଠାରୁ ପଳାଇ ଯାଇଥିଲେ। ଲଲିତ ଝାଙ୍କ ଶେଷ ଲୋକେସନ ରାଜସ୍ଥାନର ନିମରାନାରେ ଠାବ କରାଯାଇଥିଲା। ସୂଚନା ଅନୁଯାଯ଼ୀ, ଲଳିତ ଝା ଆଦିବାସୀମାନଙ୍କ ପାଇଁ କାର୍ଯ୍ୟ କରୁଥିବା ଏକ ଏନଜିଓ ସହିତ ଜଡିତ ଥିଲେ। ବୁଧବାର ସଂସଦ ଭିତରେ ଏବଂ ବାହାରେ ଗିରଫ ହୋଇଥିବା ଚାରିଜଣ ଅଭିଯୁକ୍ତଙ୍କୁ ପଟିଆଲା ହାଉସ କୋର୍ଟରେ ହାଜର କରାଯାଇଥିଲା। କୋର୍ଟ ତାଙ୍କୁ ୭ ଦିନିଆ ପୋଲିସ ହେପାଜତକୁ ପଠାଇଛନ୍ତି। ପୋଲିସ ଅଭିଯୁକ୍ତକୁ ୧୫ ଦିନିଆ ପୋଲିସ ହେପାଜତକୁ ନେଇଛି। ଏହି ମାମଲାରେ ଅନ୍ଯ଼ ଜଣେ ଅଭିଯୁକ୍ତ ଭିକି ଶର୍ମାଙ୍କୁ ତାଙ୍କ ପତ୍ନୀଙ୍କ ସହ ଗିରଫ କରାଯାଇଛି। ସମସ୍ତ ଅଭିଯୁକ୍ତ ବିକି ଶର୍ମାଙ୍କ ଘରେ ରହୁଥିଲେ। ତେବେ ପୋଲିସ ସେମାନଙ୍କୁ ପଚରାଉଚରା କରିବା ପରେ ଛାଡ଼ି ଦେଇଥିଲା। ରିପୋର୍ଟ ଅନୁଯାୟୀ, ଅଭିଯୁକ୍ତ ସାଗର ଶର୍ମା, ମନୋରଞ୍ଜନ ଡି, ନୀଲମ ଆଜାଦ ଏବଂ ଅମୋଲ ସିନ୍ଦେ ଦିଲ୍ଲୀ ଆସିବା ପୂର୍ବରୁ ଗୁରୁଗ୍ରାମର ସେକ୍ଟର ୭ ହାଉସିଂ ବୋର୍ଡ କଲୋନୀରେ ଭିକି ଶର୍ମାଙ୍କ ଘରେ ରହୁଥିଲେ। ତାଙ୍କ ସହିତ ଲଲିତ ଝା ମଧ୍ଯ଼ ଥିଲେ। ଦିଲ୍ଲୀ ପୋଲିସ ଅନୁଯାୟୀ, ସେମାନେ ସମସ୍ତେ ଭଗତ ସିଂହ ଫେସବୁକ ପେଜରେ ପରସ୍ପରକୁ ଭେଟିଥିଲେ। ଏହାପରେ ସଂସଦରେ ଆତଙ୍କ ସୃଷ୍ଟି କରିବାକୁ ଯୋଜନା କରିଥିଲେ ବୋଲି ପୋଲିସ ସୂତ୍ରରୁ ଜଣାପଡ଼ିଛି।
