କୁମ୍ଭାରୀରେ ଲୋକ କଳା ଉତ୍ସବ ଉଦଘାଟିତ 

ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲା ବ୍ଲକ ସ୍ଥିତ କୁମ୍ଭାରୀ ଜୟ ଜଗନ୍ନାଥ କଳା ପରିଷଦ ଆନୁକୂଲ୍ୟରେ ଚତୁର୍ଥ ବର୍ଷ ଉପଲକ୍ଷେ ଲୋକ କଳା ଉତ୍ସବ ଉଦଘାଟିତ ହୋଇଯାଇଛି l ଏଥିରେ ବଲାଙ୍ଗୀର ଢୋଲ ନିଶାନ ମୁହୁରୀ କଳା ପରିଷଦ ଦ୍ୱାରା ନୃତ୍ୟ ପରିବେଷଣରେ ମନ ମୋହିଲା ଦର୍ଶକମାନଙ୍କର l ଏହି ଉତ୍ସବରେ ମୁଖ୍ୟଅତିଥି ଭାବରେ ଟିଟିଲାଗଡ଼ ନିର୍ବାଚନମଣ୍ଡଳୀର ପୂର୍ଵତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ ଯୋଗଦାନ କରି ଲୋକ କଳା, ଲୋକ ନୃତ୍ୟ ଲୋକ ବାଦ୍ୟ ଉପରେ ଆଲୋକପାତ କରିଥିଲେ l ସଭାରେ ଅନ୍ୟତମ ସମ୍ମାନିତ ଅତିଥି ଭାବରେ ଓଡିଶା ସାମ୍ବାଦିକ ସଂଘ (ଓଜେୟୁ) ଶାଖା ଜିଲ୍ଲା ସଭାପତି ପ୍ରମୋଦ କୁମାର ସେଲମା, ବ୍ଲକ ଉପାଧ୍ୟକ୍ଷ ଗୁଣସାଗର ମାଝୀ, ଜିଲ୍ଲା ପରିଷଦ ସଦସ୍ୟ ପ୍ରମୋଦ ଭୋଇ , ସରପଞ୍ଚ ଶୈଳେନ୍ଦୀ ମହାନନ୍ଦ ଓ ସମିତି ସଭ୍ୟା ସରୋଜିନୀ ବିଭାର ପ୍ରମୁଖ ଯୋଗଦାନ କରି ଲୋକ ମହୋତ୍ସବ ଆଭିମୁଖ୍ୟ ଉପରେ ଅତିଥିମାନେ ମତ ରଖିଥିଲେ l କାର୍ଯ୍ୟକ୍ରମକୁ ଯୁବ ସ୍ୱେଚ୍ଛାସେବୀ ରାଜେନ୍ଦ୍ର ଖମାରୀ ପରିଚାଳନା କରିଥିଲେ l ଏହାର ଉଦଘାଟନୀ ଉତ୍ସବରେ ଲୋକ ଗୀତ କଳାକାର ବିଳମ୍ବ କୁମ୍ଭାର , କୈଳାଶ କୁମ୍ଭାର ଓ ସୁମିଙ୍କ ଦ୍ୱାରା ନୃତ୍ୟ ଓ ସଂଗୀତ ପରିବେଷଣ ବେଶ ଆକର୍ଷଣୀୟ ଥିଲା l ଏହାପରେ ଟିଟିଲାଗଡ଼ ମା ସନ୍ତୋଷିନୀ ଗ୍ରୁପ ଡ୍ୟାନ୍ସରେ ଦର୍ଶକଙ୍କ ମନ ମୋହିଲା l ଏଥିରେ ଜୟ ଜଗନ୍ନାଥ କଳା ପରିଷଦ ସଭାପତି ସୌମ୍ୟ ରଞ୍ଜନ ବଗର୍ତିଙ୍କ ନେତୃତ୍ୱରେ ସମସ୍ତ ସଦସ୍ୟମାନେ ଉପସ୍ଥିତ ରହି ସହଯୋଗ କରିଥିଲେ l

Omkar Vasthu
Omkar Vasthu

Pearl dental clinic
Near Ashish Medical Store, Bhawanipatna

Udyog Nursery
Udyogi Nursery
Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.