ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସରସ୍ଵତୀ ଶିଶୁ ବିଦ୍ୟା ମନ୍ଦିର ସୋନପୁର ଠାରେ ବିଦ୍ୟାଳୟର ବାର୍ଷିକ ଉତ୍ସବ ପାଳିତ ହୋଇଯାଇଛି। ଏହି ଉତ୍ସବରେ ବିଦ୍ୟାଳୟର ସଭାପତି ଡ଼. ପୌଲସ୍ତି ସାହୁ ସଭାପତିତ୍ବ କରିଥିବା ବେଳେ ସମ୍ପାଦକ ଡଃ, କୈଳାସ ଚାନ୍ଦ ପରିଚୟ ଓ ସ୍ଵାଗତ ଭାଷଣ ପ୍ରଦାନ କରିଥିଲେ। ମୂଖ୍ୟ ଅତିଥି ଭାବେ ସ୍ଵାମୀ ଜୀବନ ମୁକ୍ତାନନ୍ଦଜୀ ମହାରାଜ, ଚକାପାଦ ଆଶ୍ରମ,କନ୍ଧମାଳ ଯୋଗ ଦେଇ ଶିଶୁମାନଙ୍କୁ ସୁନାଗରିକ ହେବାରେ ମାର୍ଗଦର୍ଶନ ଦେଇଥିଲେ। ମୂଖ୍ୟ ବକ୍ତା ଭାବେ ଅଧ୍ୟାପକ ଡ଼ଃ, ପୁରୁଷୋତ୍ତମ ମିଶ୍ର ଶିଶୁ ମନ୍ଦିର କିଭଳି ଭାବରେ ଭାରତୀୟ ସଂସ୍କୃତିକୁ ବଜାୟ ରଖିପାରିଛି ତାହାର ଦୃଷ୍ଟାନ୍ତ ପ୍ରତିପାଦନ କରିଥିଲେ। ସେହିଭଳି ସାରସ୍ଵତ ଅତିଥି ଅଧ୍ୟାପକ ଉଦ୍ଧବ ପଧାନ ବିଦ୍ୟାଳୟର ଶିକ୍ଷା ପ୍ରଣାଳୀର ପ୍ରଶାଂସ କରିଥିଲେ। ବିଦ୍ୟାଳୟ ପ୍ରଧାନ ଆଚାର୍ଯ୍ୟ ଶ୍ରୀବତ୍ସ ମିଶ୍ର ବାର୍ଷିକ ବୀବରଣୀ ପଠନ କରିଥିଲେ। ଉକ୍ତ ଉତ୍ସବରେ ବିଦ୍ୟାଳୟର ସଦସ୍ୟା ସାବିତ୍ରୀ ମେହେର ଉପସ୍ଥିତ ଥିଲେ। ସଭା ପରେ ବିଦ୍ୟାଳୟର ବିଭିନ୍ନ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା। ଏହି ଉତ୍ସବରେ ବିଦ୍ୟାଳୟର ଶିଶୁ ପ୍ରାରମ୍ଭରୁ ଆରମ୍ଭ କରି ଦଶମ ଶ୍ରେଣୀ ପର୍ଯ୍ୟନ୍ତ ଭାଇ ଭଉଣୀଙ୍କ ଦ୍ବାରା ୨୬ଟି ଗ୍ରୁପ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ବିଦ୍ୟାଳୟର ଭାଇ ଭଉଣୀଙ୍କ ଦ୍ବାରା ଅବହେଳିତ ବୃଦ୍ଧ ପିତା ମାତାଙ୍କର ଦୁଃଖ ଉପରେ ପର୍ଯ୍ୟବେସିତ ନାଟକ “କୁହୁଡି” ପରିବେଷଣ କରିଥିଲେ। ଶେଷରେ ବିଦ୍ୟାଳୟର ଉପସଭାପତି ଗୀତାଞ୍ଜଳି ମିଶ୍ର ଧନ୍ୟବାଦ ଅର୍ପଣ କରିଥିଲେ। ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ଗୁରୁଜୀ ଗୁରୁମା, ଅଭିଭାବକ ଅଭିଭାବକୀ, ସେବାକ, ସେବିକାଙ୍କ ପୂର୍ଣ୍ଣ ସହଯୋଗରେ କାର୍ଯ୍ୟକ୍ରମ ସାଫଲ୍ୟ ମଣ୍ଡିତ ହୋଇପାରିଥିଲା।
