ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): କଳାହାଣ୍ଡି ଜିଲ୍ଲା ନର୍ଲା ବ୍ଲକ ଅନ୍ତର୍ଗତ ରୁପ୍ରାରୋଡ ଠାରେ ଶାନ୍ତି ଶୃଙ୍ଖଳାର ସହ ପାଳିତ ହୋଇଯାଇଛି ଶ୍ରୀଗୁଣ୍ଡିଚା ଯାତ୍ରା। ରବିବାର ଏନେଇ ରୁପ୍ରାରୋଡ ଜଗନ୍ନାଥ ମନ୍ଦିରରେ ବିଧି ଅନୁକ୍ରମେ ପଣ୍ଡିତ ନିଗମାନନ୍ଦ ପାତ୍ର, ଭବାନୀ ପ୍ରସାଦ ରଥ ଓ ମନୋଜ ଦାଶ ସମସ୍ତ ନିତି ସଂପାଦନ କରିବାପରେ ଅପରାହ୍ନରେ ଶ୍ରୀଜୀଉମାନଙ୍କର ପହଣ୍ଡି ହୋଇଥିଲା। ରୁପ୍ରାରୋଡ ଜଗନ୍ନାଥ ମନ୍ଦିରର ଉଦ୍ୟୋକ୍ତା ଦିବଂଗତ ଡ଼ଃ ସାଧୁରାମ ଅଗ୍ରୱାଲଙ୍କ ସୁପୁତ୍ର ସୁନିଲ କୁମାର ଅଗ୍ରୱାଲ ଛେରାପହରା କରିବାପରେ ରଥଟଣା ହୋଇଥିଲା। ସୁଧିର ଅଗ୍ରୱାଲ, ସୁଦିପ ଅଗ୍ରୱାଲ, ରିସବ ଜୈନ ଓ କିସନ ଜୈନ, କାଲୁ ଶର୍ମା ଓ ବିଷ୍ଣୁ ଶର୍ମା ରଥ ଉପରେ ସହଯୋଗ କରିଥିଲେ। ଧାରା ବିବରଣୀ ପ୍ରଦୀପ ଅଗ୍ରୱାଲ ଓ ବଣ୍ଟି ଖେତାନ କରିଥିଲେ।
