ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲା ଶିକ୍ଷା ବିଭାଗ ଅଧୀନସ୍ଥ ଖର୍ଲିକାନୀ ସରକାରୀ ପ୍ରକଳ୍ପ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ବିନ୍ୟାବିନ ତାଣ୍ଡିଙ୍କୁ ବୁଧବାର ବିଦ୍ୟାଳୟ ତରଫରୁ ଅବସରକାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି l ବିଦ୍ୟାଳୟର ସହକାରୀ ଶିକ୍ଷକ ଲିଙ୍ଗରାଜ ସାହୁଙ୍କ ଅଧ୍ୟକ୍ଷତା ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟଅତିଥି ଭାବରେ ସିଆରସିସି ଶେଷଦେବ ପ୍ରଧାନ, ମୁଖ୍ୟବକ୍ତା ଯୁନାନିମାଲ ବିଦ୍ୟାଳୟ ପ୍ରଧାନ ଶିକ୍ଷକ ଟିକେଲାଲ ମେହେର ଓ ସମ୍ମାନିତ ଅତିଥି ଭାବେ ପରିଚାଳନା କମିଟି ସଭାପତି ହରିଶଙ୍କର ଭୋଇ ପ୍ରମୁଖ ଯୋଗଦାନ କରି ପ୍ରଧାନ ଶିକ୍ଷକ ଶ୍ରୀ ତାଣ୍ଡି ଶିକ୍ଷାଦାନ କ୍ଷେତ୍ରରେ ଜଣେ କର୍ତ୍ତବ୍ୟ ନିଷ୍ଠ ଶିକ୍ଷକ ଭାବେ ଅଞ୍ଚଳରେ ବେଶ ଜଣାଶୁଣା ଥିଲେ l ଏହା ସହିତ ଛାତ୍ରଛାତ୍ରୀମାନଙ୍କୁ ମଧ୍ୟ ବେଶ ଆଗ୍ରହ କରୁଥିଲେ l ତାଙ୍କର ଅବସର ହେବା ପରେ ଅଭିଭାବକ ଓ ଛାତ୍ରଛାତ୍ରୀମାନଙ୍କୁ ନିରାଶ ହେବାକୁ ପଡିଛି ବୋଲି ମତବ୍ୟକ୍ତ କରିଥିଲେ l
ଏହି ସମୟରେ ଶିକ୍ଷକ ରୁପାଧର ବାଗ, ମନୋହର ବାଗ, ବିକ୍ରମ ଭୋଇ, ରମେଶ ଭୋଇ, ନରେନ ଭୋଇ, ମୁନୁ ବାଗ, ନବୀନ ଭୋଇ, ଗୋଲାପୀ ବାଗ, ମିତା ବାଗ, ଜହ୍ନବୀ ଭୋଇ, ବିମଳା ଭୋଇ, ଆନୁସୟା ବାଗ ଓ ଅରୁଣା ବାଗଙ୍କ ସମେତ ଗ୍ରାମବାସୀ ଉପସ୍ଥିତ ଥିଲେ l
