ଓଡ଼ିଆ ବାର୍ତ୍ତା/ ବାଲେଶ୍ୱର (କୃଷ୍ଣ କୁମାର ମହାନ୍ତି): ଡ. ହରିଶ୍ଚନ୍ଦ୍ର ବେହେରାଙ୍କ ସମ୍ପାଦିତ ‘ଅକ୍ଷାଂଶ’ର ପୂଜାସଂଖ୍ୟା କବିତୀର୍ଥ ଶାନ୍ତି କାନନରେ ଫକୀର ମୋହନ ସାହିତ୍ୟ ପରିଷଦ ଆନୁକୂଲ୍ୟରେ ଲୋକାର୍ପିତ ହୋଇଯାଇଛି। ଏହି ସମାରୋହରେ ଉନ୍ମୋଚକ ଭାବରେ ଡ. ପ୍ରହଲ୍ଲାଦ ଚରଣ ମହାନ୍ତି, ମୁଖ୍ୟବକ୍ତା ଭାବେ ‘କଳକୀ’ ପତ୍ରିକାର ସମ୍ପାଦକ ଘନ ପରିଡା, ସୌଜନ୍ୟ ସମ୍ପାଦକ ଅଞ୍ଜଳି ପଣ୍ଡା, ସହ ସମ୍ପାଦକ ଡ. ସାରଙ୍ଗଧାର ତ୍ରିପାଠୀ ଯୋଗ ଦେଇ ପତ୍ରିକାଟିର ଭୂୟସୀ ପ୍ରଶଂସା କରିଥିଲେ। ଏଥିରେ ସଭାପତିତ୍ବ କରିଥିଲେ ପରିଷଦର ସଭାପତି ଡ. ଲକ୍ଷ୍ମୀକାନ୍ତ ତ୍ରିପାଠୀ। ମଞ୍ଚ ଆବାହନ କରିଥିଲେ କଲ୍ୟାଣୀ ନନ୍ଦ ଓ ଧନ୍ୟବାଦ ଦେଇଥିଲେ ରାଜେଶ ଗିରି। ଏହି ଅବସରରେ ‘ଅକ୍ଷାଂଶ’ରେ ସ୍ଥାନିତ ନିଜ ନିଜ କବିତାକୁ ପାଠ କରିଥିଲେ କବି ବିମଳ ଜେନା, କବି କୃଷ୍ଣ କୁମାର ମହାନ୍ତି, କବି ଶ୍ରୀଦେବ, କବି ଅଶ୍ଵିନୀ ଦାଶ, କବି ରଞ୍ଜନ ବାଗ ପ୍ରମୁଖ। ଗଳ୍ପର କଥା ରଖିଥିଲେ ଗାଳ୍ପିକ ନିବାରଣ ଜେନା, ସ୍ମୃତି ଦାସ, ସଞ୍ଜୟ ପଣ୍ଡା ପ୍ରମୁଖ। ପ୍ରବନ୍ଧର କଥା ରଖିଥିଲେ ଡ. ରତ୍ନାକାର ସିଂହ।
