ଓଡିଆ ବାର୍ତ୍ତା/ ଭୁତିଆରବାହାଲ (ପଞ୍ଚାନନ ଭୋଇ): ଏକ ପ୍ରାକୃତିକ ମନୋରମ ପରିବେଶ ମଧ୍ଯରେ ଗିରିଗୋବର୍ଦ୍ଧନ ପୂଜା ରାଜାମୁଣ୍ଡା ସ୍ଥିତ ପାହାଡ ଉପରେ ମହାସମାରୋହରେ ଅନୁଷ୍ଠିତ ହୋଇଯାଇଛି। ଏହି ପୂଜାକୁ ଆଖପାଖର ୧୨ଟିଗ୍ରାମର ଆଞ୍ଚଳିକ କମିଟି ସହଯୋଗ କରିଥିଲେ। କର୍ତ୍ତା ଦାୟିତ୍ବରେ ରାଜାମୁଣ୍ଡା ଗୌନ୍ତିଆ ସୁଶୀଲ କୁମାର ଭୋଇ ଓ ତାଙ୍କ ଧର୍ମପତ୍ନୀ ଥିବାବେଳେ ରାଜେନ୍ଦ୍ର ସତପଥି ପୂଜକ ଦାୟିତ୍ବରେ ଥିଲେ।
ଏହି ପୂଜାରେ ସ୍ଥାନୀୟ ବିଧାୟକ କଳିକେଶ ସିଂ ଦେଓ, ବଲାଙ୍ଗୀର ବ୍ଲକ ଚେୟାରମେନ ସରିତା ବାଗ, ଦେଓଗାଁ ବ୍ଲକ ଚେଆରମେନ ଦୟାନିଧି ଖମାରୀ ଯୋଗଦାନ କରିଥିଲେ। ଏହି ଅବସରରେ ଏକ ଅଷ୍ଟପ୍ରହରୀ ନାମଯଜ୍ଞ ଆୟୋଜିତ ହୋଇଥିଲା। ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଯୋଗ ଦେଇଥିଲେ।
