ଆଜିର ଅନଲାଇନ ଯୁଗରେ ଅଲୋଡ଼ା ହୋଇପଡ଼ିଛି ଗ୍ରୀଟିଙ୍ଗସ କାର୍ଡ। ସମୟ ଥିଲା ଜାନୁଆରି ୧ରେ ଲୋକେ ପରସ୍ପର ମଧ୍ୟରେ ଗ୍ରୀଟିଙ୍ଗସ କାର୍ଡର ଆଦାନ ପ୍ରଦାନ କରି ନୂତନ ବର୍ଷକୁ ଆନନ୍ଦର ସହ ପାଳନ କରୁଥିଲେ। ଫୁଟପାଥରେ ବସୁଥିଲା ଗ୍ରୀଟିଙ୍ଗସ କାର୍ଡର ପସରା। ଯୁବ ବର୍ଗ ବିଶେଷ କରି ପ୍ରେମିକ ପ୍ରେମିକାଙ୍କ ଏହାଥିଲା ପ୍ରଥମ ପସନ୍ଦ। ଗ୍ରୀଟିଙ୍ଗସ କାର୍ଡରେ ଲେଖାଯାଉଥିଲା ମନଲାଖି ବାର୍ତ୍ତା। ଏହି ବାର୍ତ୍ତାକୁ ପଢ଼ି ଆହ୍ଲାଦିତ ହୋଇ ଉଠୁଥିଲା ତନୁମନ। ଗ୍ରୀଟିଙ୍ଗସ କାର୍ଡର ତାତ୍ପର୍ଯ୍ୟ ଆଜି ବୁଝିବା ଓ ବୁଝାଇବା ମୁଷ୍କିଲ।
