ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଭବାନୀପାଟଣା ବ୍ଲକ ଅନ୍ତର୍ଗତ ସେଁପୁର ଦୁର୍ଗାମଣ୍ଡପ ପଡିଆ ଠାରେ ଅନୁଷ୍ଠିତ ୧୦ତମ ଧନୁଯାତ୍ରା ମହୋତ୍ସବର ସୋମବାର ପଞ୍ଚମ ସନ୍ଧ୍ୟାର କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ମଥୁରାରେ ମହାରାଜ କଂସ ପୁତନାଙ୍କ ମୃତ୍ୟୁ ଖବର ପାଇଁ ମର୍ମାହତ ହୋଇଛନ୍ତି । ନାରଦଙ୍କ ପରାମର୍ଶ କ୍ରମେ ଷଡ଼ମଲ୍ଲଙ୍କୁ ଗୋପପୁର ପ୍ରେରଣ କରିଥିବା ନାଟକ ମଞ୍ଚସ୍ଥ ହୋଇଥିଲା । ଏହାସହ ମୟୂରୀ ସାଂସ୍କୃତିକ ଅନୁଷ୍ଠାନ ଭବାନୀପାଟଣା ଦ୍ୱାରା ନୃତ୍ୟ ପରିବେଷଣ ହୋଇଥିଲା । କଂସ ଦରବାରରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ଅନାମ ନାଏକ ଓ ସମ୍ମାନିତ ଅତିଥି ଭାବେ ତରଣୀସେନ ଯାନୀଙ୍କ ସହ କମିଟିର ମୁଖ୍ୟ ଉପଦେଷ୍ଟା ରାଜେଶ ପ୍ରସାଦ ସାହୁ (ମୁନ୍ନା), ସଭାପତି ମାନଗୋବିନ୍ଦ ମାଝୀ, କାହ୍ନା ସାହୁ, ପ୍ରସନ୍ନ ବାଗ, କିଶୋର ସାହୁ, ସୁଶାନ୍ତ ମାଝୀ, ଅଭିଷେକ ବାଗ, ଜନାର୍ଦ୍ଦନ ବାଗ ପ୍ରମୁଖ ମଞ୍ଚାସୀନ ଥିଲେ ।
