ଓଡିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ମକର ସଂକ୍ରାନ୍ତିରୁ ଆରମ୍ଭ ହେବ ଜିଲ୍ଲା ସ୍ତରୀୟ କଳାହାଣ୍ଡି ଉତ୍ସବ “ଘୁମୁରା”। କଳାହାଣ୍ଡିର ସଂସ୍କୃତି ଓ ପରମ୍ପରାର ଇତିହାସ ଗାନ କରୁଥିବା ଏହି ଉତ୍ସବ ପାଇଁ ସାରା ଜିଲ୍ଲା ଚଳ ଚଞ୍ଚଳ ହୋଇ ପଡିବା ସହ ପ୍ରସ୍ତୁତିରେ ଲାଗି ପଡିଛନ୍ତି ପ୍ରଶାସନିକ ଅଧିକାରୀ। ଜାନୁୟାରୀ ପ୍ରଥମ ସପ୍ତାହରେ ସମସ୍ତ ଗ୍ରାମ ପଞ୍ଚାୟତ ସ୍ତରୀୟ କଳାହାଣ୍ଡି ଉତ୍ସବ ସବୁ ସମ୍ପନ୍ନ ହେବ। ଏହାପରେ ବ୍ଲକ ସ୍ତରୀୟ କଳାହାଣ୍ଡି ଉତ୍ସବ ପାଳିତ ହେବ।
ଏହି କ୍ରମରେ ନର୍ଲା ବ୍ଲକର ବ୍ଲକ ସ୍ତରୀୟ କଳାହାଣ୍ଡି ଉତ୍ସବ- “ଘୁମୁରା”-୨୦୨୫ ପାଇଁ ଭବ୍ୟ ଆୟୋଜନ ହେବ। ଏନେଇ ନର୍ଲା ଗୋଷ୍ଠୀ ଉନ୍ନୟନ ଅଧିକାରୀ ବିପିନ ବିହାରୀ ଦୀପଙ୍କ ଅଧ୍ୟକ୍ଷତାରେ ନର୍ଲା ବ୍ଲକ ସମ୍ମେଳନ କକ୍ଷରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ଏଥିରେ ନର୍ଲା ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଦେବେନ୍ଦ୍ର ସାମଲ, ବ୍ଲକ ଶିକ୍ଷାଧିକାରୀ ତପିମଣି ଜାନୀ, ସହକାରୀ ଯନ୍ତ୍ରୀ ସୁଧାଂଶୁ ମହଲି, ସେକ୍ସନ ଅଫିସର ଦିଗ ପଧାନ, ନର୍ଲା ସରପଞ୍ଚ ସଂଘ ସଭାପତି ତଥା ଭାନପୁର ସରପଞ୍ଚ ଅନନ୍ତରାମ ମାଝୀ, ଉସ୍ତାଦ ବିସମିଲ୍ଲା ଖାଁ ଯୁବ ପୁରସ୍କାର ପ୍ରାପ୍ତ ବିଶିଷ୍ଟ କଣ୍ଠ ଶିଳ୍ପି ସର୍ବେଶ୍ୱର ଭୋଇ ପ୍ରମୁଖ ମଞ୍ଚାସୀନ ରହିଥିଲେ। ପ୍ରଥମେ ବିଡିଓ ଶ୍ରୀ ଦୀପ ସ୍ୱାଗତ ଭାଷଣ ପ୍ରଦାନ କରିବା ସହ କାର୍ଯ୍ୟକ୍ରମର ଆଭିମୁଖ୍ୟ ପ୍ରତିପାଦନ କରିଥିଲେ। ଏହାପରେ କଳାହାଣ୍ଡି ଉତ୍ସବ “ଘୁମୁରା”- ୨୦୨୫ ପାଳନ ନିମନ୍ତେ ସର୍ବ ସମ୍ମତି କ୍ରମେ ଜାନୁୟାରୀ ୧୧ ଶନିବାର ଦିନ ଧାର୍ଯ୍ୟ କରାଯାଇଥିଲା।
ନର୍ଲା ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ସାମଲ ଗତ ୨୦୨୪ ଘୁମୁରା ଉତ୍ସବ ପରିଚାଳନା କମିଟି ସଦସ୍ୟଙ୍କ ନାମ ପଢି ଶୁଣାଇଥିଲେ। କମିଟିରେ ରହିଥିବା କିଛି ଅଧିକାରୀଙ୍କୁ ଅନ୍ୟତ୍ର ବଦଳି ହୋଇ ସାରିଥିବାରୁ ତାଙ୍କ ସ୍ଥାନରେ ନୂତନ ସଦସ୍ୟଙ୍କ ନାମ ସଂଯୋଗ କରାଯାଇଥିଲା। ଚଳିତ ବର୍ଷ ଗତ ବର୍ଷ ଭଳି କେବଳ ଗୋଟିଏ ଦିନ ହିଁ ପାଳନ କରାଯିବ କଳାହାଣ୍ଡି ଉତ୍ସବ ବୋଲି ସ୍ଥିରିକୃତ ହୋଇଥିଲା। ନର୍ଲା ବ୍ଲକ ଅଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତିଙ୍କ ନେତୃତ୍ୱରେ ନର୍ଲା ବ୍ଲକ କଳାହାଣ୍ଡି ଉତ୍ସବ ପାଳନ କରାଯିବ। ଏହାର ସୁ ପରିଚାଳନା ନିମନ୍ତେ ଖାଦ୍ୟ ବିଭାଗ, ସାଂସ୍କୃତିକ ବିଭାଗ, ଅର୍ଥ ବିଭାଗ, ମଞ୍ଚ ସାଜ ସଜ୍ଜା ବିଭାଗ ଭଳି ବିଭିନ୍ନ ବିଭାଗ ଗୁଡିକ ଗଠନ କରାଯାଇଥିଲା। ନର୍ଲା ବ୍ଲକ ଅଧିନସ୍ଥ ୨୬ ଗୋଟି ଗ୍ରାମ ପଞ୍ଚାୟତ ଅଞ୍ଚଳରୁ ଗୋଟିଏ ଲେଖାଏଁ ସାଂସ୍କୁତିକ ଦଳ ନିଶ୍ଚୟ ଆଣିବେ ବୋଲି ସମସ୍ତ ସରପଞ୍ଚ ମାନଙ୍କୁ ଜିଲ୍ଲା କଳାକାର ସଂଘର ଉପସଭାପତି ସର୍ବେଶ୍ୱର ଭୋଇ ଅନୁରୋଧ କରିଥିଲେ। ମଞ୍ଚରେ ଜଣିକିଆ ନୃତ୍ୟ ଶିଳ୍ପିଙ୍କୁ ସୁଯୋଗ ଦିଆଯିବ ନାହିଁ ବୋଲି ନିଷ୍ପତି ନିଆଯାଇଥିଲା।
ବିଏସଏସଓ ପ୍ରଦୀପ ବେହେରା କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଭୋଳାନାଥ ଦାସ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଅନ୍ୟ ମାନଙ୍କ ମଧ୍ୟରେ ନର୍ଲା ଏବିଇଓ ଗୋବର୍ଦ୍ଧନ ମାଝୀ, ନର୍ଲା ଟାଟା ପାୱାର ଏସଡିଓ କମଲେଶ ପଧାନ, ନର୍ଲା ଫରେଷ୍ଟର ଭବାନୀ ନାଏକ, ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ରବି ନାୟକ, ବ୍ଲକ ଆକାଉଣ୍ଟ ଅଫିସର ପଞ୍ଚାନନ ତାଣ୍ଡି, ମାଉଣ୍ଟେନ ସ୍କୁଲ ଚେୟାର ପର୍ସନ ନବୀନ କୁମାର ଦାସ, ନର୍ଲା ସହକାରୀ କୃଷି ଅଧିକାରୀ ପ୍ରବୀଣ କୁମାର ସାହୁ, ନର୍ଲା ଯୋଗାଣ ଅଧିକାରୀ ଶ୍ରୀ ଚନ୍ଦନ, ଅନେକ ସରପଞ୍ଚ ଓ ସମିତି ସଭ୍ୟ ଉପସ୍ଥିତ ଥିଲେ।
ସେହିଭଳି କନିଷ୍ଠ ଯନ୍ତ୍ରୀ ସଂଯୁକ୍ତା ପାଣି, ସହକାରୀ ଯନ୍ତୀ ସୁରେନ୍ଦ୍ର ସୁନାନୀ, ସୁକାନ୍ତୀ ବିଶ୍ୱାଳ, କାର୍ଯ୍ୟ ନିର୍ବାହୀ ଅଧିକାରୀ ମାନଙ୍କ ମଧ୍ୟରେ କୃଷ୍ନ ଚନ୍ଦ୍ର ସାହୁ, ସହସ୍ରାଂଶୁ ମିଶ୍ର, ଜିତେନ୍ଦ୍ର ଯୋଶୀ, ଶ୍ରୀ ମହାରଣା, ବିକେଶ ସାହୁ ନର୍ଲା ଡିଗ୍ରୀ କଲେଜର ପ୍ରିନସିପାଲ ନାରାୟଣ ନାଏକ, ଯୁକ୍ତ ଦୁଇ ପ୍ରନ୍ସିପାଲ ଭବାନୀଶଙ୍କର ଦାସ, ଅଧ୍ୟାପକ ସନ୍ତୋଷ ବୁଦ୍ଧିଆ, ନର୍ଲା ହାଇସ୍କୁଲର ଶିକ୍ଷକ ତେଜରାଜ ସାହୁ, ନର୍ଲା ସରସ୍ୱତୀ ଶିଶୁ ମନ୍ଦିରର ଆଚାର୍ଯ୍ୟ ଟୁକୁଲାଲ ଭୋଇ, ସ୍ବଚ୍ଛ ଓ ପରିମଳ ବିଭାଗର କର୍ମଚାରୀ ସନତ କୁମାର ନାଏକ, ସ୍ଵାସ୍ଥ୍ୟ ବିଭାଗ ତରଫରୁ ବିମଳ ଚନ୍ଦ୍ର ଦୀପ ପ୍ରମୁଖ ଉପସ୍ଥିତ ରହି ସୁଚିନ୍ତିତ ମତାମତ ପ୍ରଦାନ କରିଥିଲେ। ନର୍ଲା ବ୍ଲକ ଅଧିନସ୍ଥ ସମସ୍ତ ଗ୍ରାମ ପଞ୍ଚାୟତର ପଞ୍ଚାୟତ ସ୍ତରୀୟ କଳାହାଣ୍ଡି ଉତ୍ସବ ୮ ଜାନୁୟାରୀ ମଧ୍ୟରେ ସାରିବାକୁ ବିଡିଓ ଶ୍ରୀ ଦୀପ ସମସ୍ତ ସରପଞ୍ଚ ମାନଙ୍କୁ ଅନୁରୋଧ କରିଥିଲେ। କାର୍ଯ୍ୟକ୍ରମ ଶେଷରେ ଏବିଡିଓ ଶ୍ରୀ ସାମଲ ଧନ୍ୟବାଦ ଅର୍ପଣ କରିଥିଲେ।
