ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଳକ ସଦର ମହକୁମା ପ୍ୟାକ୍ସ ଅଧୀନରେ ଥିବା ରେଙ୍ଗାପାଲିଠାରେ ଶନିବାର ନୂତନ ଧାନ ମଣ୍ଡି ଉଦଘାଟିତ ହୋଇଛି। କୋକସରା ପ୍ୟାକ୍ସ ସଭାପତି କିଶୋର ଚନ୍ଦ୍ର ପ୍ରଧାନୀ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦଘାଟନ କରିଥିଲେ। ରେଙ୍ଗାଲପାଲି ସରପଞ୍ଚ ପଦ୍ମିନୀ ପାତ୍ର, ପ୍ୟାକ୍ସ ସମ୍ପାଦକ ନିରଞ୍ଜନ ବାଗ ପ୍ରମୁଖ ଉପସ୍ଥିତ ରହିଥିଲେ। ଦିର୍ଘ ଦିନର ଦାବିପରେ ଧାନ ମଣ୍ଡି ଖୋଲିଥିବାରୁ ଗ୍ରାମବାସୀମାନେ କଳାହାଣ୍ଡି ଜିଲ୍ଲାପାଳ, ସାଂସଦ, ରାଜ୍ୟ ସଭା ସାଂସଦ ଓ ଡିଆରସିଏସଙ୍କୁ ଧନ୍ୟବାଦ ଜଣାଇଛନ୍ତି। ଏବଂ ଆଗାମୀ ବର୍ଷଠାରେ ସ୍ଥାୟୀ ମଣ୍ଡି ଖୋଲିବା ପାଇଁ ଦାବି କରିଛନ୍ତି। ପ୍ରଥମ ଦିନରେ ୫ଗୋଟି ମିଲର୍ସଙ୍କ ସହଯୋଗରେ ଚାଷୀ ମାନଙ୍କ ଧାନ ଉଠାଣ ହୋଇଛି।
