ଓଡ଼ିଆ ବାର୍ତ୍ତା/ ଟିକ୍ରାପଡ଼ା (ରମାକାନ୍ତ ରାଜପଲିଆ): ସଇଁତଲା ବ୍ଲକ କରମତଲା ପଞ୍ଚାୟତ ତୁଷ୍ଟାପାଲି ଗ୍ରାମର ଜୟଦ୍ରଥ ବୁଡେକ ଓଡ଼ିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗ ତରଫରୁ ସଫଳ ଚାଷୀ ଭାବେ ସମ୍ମାନିତ ହୋଇଛନ୍ତି। ବିଜୁ ପଟ୍ଟନାୟକ ଖେଳ ପଡ଼ିଆ, ବରମୁଣ୍ଡା ଭୁବନେଶ୍ୱର ଠାରେ କୃଷି ଓଡ଼ିଶା ୨୦୨୫ କାର୍ଯ୍ୟକ୍ରମ ଉଦ୍ଘାଟନ ଅବସରରେ ମୁଖ୍ୟମନ୍ତ୍ରୀ ମୋହନ ମାଝୀ ଓ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ ଜୟଦ୍ରଥଙ୍କୁ ଉପଢୌକନ ସହ ୧୦ ହଜାର ଟଙ୍କା ପୁରସ୍କାର ରାଶି ପ୍ରଦାନ କରିଥିଲେ। ଜୟଦ୍ରଥଙ୍କ ସଫଳତା ନେଇ ଅଞ୍ଚଳର ଚାଷୀ ମହଲରେ ଖୁସିର ଲହରୀ ଖେଳି ଯାଇଛି। ଭାରତୀୟ କିସାନ ସଙ୍ଘ ରାଜ୍ୟ ସମ୍ପାଦକ ମୋହନ ନାଏକ ଓ ଅନ୍ୟ କର୍ମକର୍ତ୍ତା ତାଙ୍କୁ ଶୁଭେଚ୍ଛା ଜଣାଇଛନ୍ତି। ଜୟଦ୍ରଥ ଧାନ ସହ ଆମ୍ବ, କାଜୁ, ମୁଗ, କଦଳୀ, ପୋଟଳ, କଲରା ଆଦି ଚାଷ କରି ଆତ୍ମନିର୍ଭର ହେବା ସହ ଅନେକ ଲୋକଙ୍କୁ କାମରେ ଲଗାଇ ରୋଜଗାର ଯୋଗାଉଛନ୍ତି।
