ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ ଅନ୍ତର୍ଗତ ଦେବଗିରି ମଠ ବୁଢୀପଦରଠାରେ ରୁପ୍ରାରୋଡ ଦ୍ରୋଣାଚାର୍ଯ୍ୟ ସ୍କୁଲର ଛାତ୍ରଛାତ୍ରୀ ଓ ଅବିଭାବକମାନଙ୍କୁ ନେଇ ଏକ ବଣଭୋଜି ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଅଧ୍ୟକ୍ଷ କୈଳାସ ସା ଏବଂ ଅର୍ଚ୍ଚନା କୁମାର ଏହାକୁ ପରିଚାଳନା କରିଥିଲେ। ସ୍କୁଲର ଶିକ୍ଷକ ଶିକ୍ଷୟିତ୍ରୀମାନେ ଛାତ୍ରଛାତ୍ରୀଙ୍କୁ ଦେବଗିରିର ମଠ ମନ୍ଦିର, ଗୁମ୍ଫା ପରିଦର୍ଶନ କରାଇବା ସହ ଏହି ପ୍ରାଚୀନ ପୀଠର ଐତିହ୍ୟ ଏବଂ ସଂସ୍କୃତି ବିଷୟରେ ଅବଗତ କରାଇଥିଲେ। ପ୍ରାକୃତିକ ପରିବେଶ ମଧ୍ୟରେ ସମସ୍ତେ ବଣଭୋଜିର ଭରପୁର ମଜା ଉଠାଇଥିଲେ।
