ସ୍ବାସ୍ଥ୍ୟ ଏବଂ ସୁରକ୍ଷା ପଦକ୍ଷେପର ଅଂଶ ଭାବରେ ଆୟୋଜିତ ଏହି ଶିବିରରୁ ୧୫୦୦ ରୁ ଅଧିକ ଡ୍ରାଇଭର ଉପକୃତ ହୋଇଛନ୍ତି
ଓଡିଆ ବାର୍ତ୍ତା/ ଝାରସୁଗୁଡା: ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମ ଝାରସୁଗୁଡା କାର୍ଯ୍ୟରେ ବାଣିଜ୍ୟିକ ଏବଂ ବୈଷୟିକ ଯାନବାହାନ ଚାଳକମାନଙ୍କ ପାଇଁ ଏକ ମାଗଣା ଚକ୍ଷୁ ସ୍କ୍ରିନିଂ ଶିବିର ଆୟୋଜନ କରିଥିଲା । ତ୍ରିଲୋଚନ ନେତ୍ରାଳୟର ସହଯୋଗରେ ଆୟୋଜିତ ଏହି ବ୍ୟାପକ ପଦକ୍ଷେପ କମ୍ପାନୀର କର୍ମଚାରୀ, ବ୍ୟବସାୟିକ ଅଂଶୀଦାର ଏବଂ ସମ୍ପ୍ରଦାୟ ସଦସ୍ୟଙ୍କ ସାସ୍ଥ୍ୟ ଏବଂ ସୁରକ୍ଷା ସୁନିଶ୍ଚିତ କରିବା ପ୍ରତି ପ୍ରତିବଦ୍ଧତାକୁ ସ୍ପଷ୍ଟ କରିଥିଲା । ଏହି ପଦକ୍ଷେପ ମାଧମରେ, ପ୍ଲାଟ ଅଂଚଳର ବିଭିନ୍ନ ସ୍ଥାନରେ କାର୍ଯ୍ୟ କରୁଥିବା ୧,୫୦୦ ରୁ ଅଧିକ ଡ୍ରାଇଭରଙ୍କୁ ସମ୍ଭାବ୍ୟ ଦୃଷ୍ଟି-ସମ୍ବନ୍ଧୀୟ ସମସ୍ୟା ଚିହ୍ନଟ ପାଇଁ ସ୍କ୍ରିନିଂ କରାଯାଇଛି । ଦୃଷ୍ଟି ବାଧା ଥିବା ବ୍ୟକ୍ତିମାନଙ୍କୁ ମାଗଣାରେ ବିଶେଷଜ୍ଞ ଡାକ୍ତରୀ ପରାମର୍ଶ ଏବଂ ସଂଶୋଧନାତ୍ମକ ଚଷମା ପ୍ରଦାନ କରାଯାଇଥିଲା, ଯାହା ଦୃଷ୍ଟି-ସମ୍ବନ୍ଧୀୟ ସମସ୍ୟାଗୁଡ଼ିକର ସମାଧାନ କରିବାରେ ଏବଂ ସର୍ବାଧିକ ସୁରକ୍ଷା ଏବଂ ଆତ୍ମବିଶ୍ଵାସ ସହିତ କାମ କରିବାର କ୍ଷମତା ବୃଦ୍ଧି କରିବାରେ ସାହାଯ୍ୟ କରିଥିଲା । ଏହି ପଦକ୍ଷେପର ଲକ୍ଷ୍ୟ ଥିଲା ଦୀର୍ଘକାଳୀନ ଚକ୍ଷୁ ସାସ୍ଥ୍ୟକୁ ପ୍ରୋତ୍ସାହିତ କରିବା, ରାସ୍ତା ସୁରକ୍ଷା ବୃଦ୍ଧି କରିବା ଏବଂ ଫୁଟରେ ବିଭିନ୍ନ ଭୂମିକାରେ ନିଯୁକ୍ତ ଡ୍ରାଇଭରମାନଙ୍କ ସାମଗ୍ରିକ ସୁସୁତାକୁ ସମର୍ଥନ କରିବା, ଯେଉଁମାନେ ବେଦାନ୍ତର ଲଜିଷ୍ଟିକ୍ସ ଏବଂ ଯୋଗାଣ ଶୃଙ୍ଖଳା କାର୍ଯ୍ୟର ସୁଗମ କାର୍ଯ୍ୟକାରିତା ପାଇଁ ଏକ ଅବିଚ୍ଛେଦ୍ୟ ଅଂଶୀଦାର ଅଟନ୍ତି । ଏହି ଅଂଚଳରେ ମୌସୁମୀ ଋତୁ ଆରମ୍ଭ ହେବା ସହିତ ଏହା ଏକ ଗୁରୁତ୍ଵପୂର୍ଣ ସମୟରେ ଆୟୋଜିତ ହୋଇଥିଲା । ପ୍ରବଳ ବର୍ଷା ଏବଂ ପବନ, ଗାଡ଼ି ଚଲାଇବା ସମୟରେ ଅନିଶ୍ଚିତ ପରିସ୍ଥିତିର ସମ୍ଭାବନାକୁ ବୃଦ୍ଧି କରୁଥୁବାରୁ, ଚକ୍ଷୁ ଶିବିର ଡ୍ରାଇଭରମାନଙ୍କୁ ସୁରକ୍ଷିତ ଭାବରେ ସେମାନଙ୍କର କର୍ତବ୍ୟ ଗ୍ରହଣ କରିବାରେ ସାହାଯ୍ୟ କରିବ ବୋଲି ଆଶା କରାଯାଉଛି ।
ଏହି ପଦକ୍ଷେପ ସମ୍ପକରେ ସୂଚନା ଦେଇ ବେଦାନ୍ତ ଆଲୁମିନିୟମର ସିଓଓ ସୁନୀଲ ଗୁପ୍ତା କହିଛନ୍ତି, “ବେଦାନ୍ତରେ, ଆମେ ଆମର କର୍ମଚାରୀ ଏବଂ ବ୍ୟବସାୟିକ ଅଂଶୀଦାରମାନଙ୍କୁ ଆମର କାର୍ଯ୍ୟର ସବୁଠାରୁ ଗୁରୁତ୍ଵପୂର୍ଣ ସ୍ତମ୍ଭ ବୋଲି ବିବେଚନା କରୁ । ଆମର ସାରଥି – ଆମ ଯୋଗାଣ ଶୃଙ୍ଖଳାକୁ ସୁଗମ ଏବଂ ନିର୍ବିଘ୍ନ ରଖିବାରେ ସାହାଯ୍ୟ କରୁଥିବା ଉତ୍ସର୍ଗୀକୃତ ଡ୍ରାଇଭରମାନେ – ଅମର ପ୍ରଗତି ପାଇଁ ଅତ୍ୟନ୍ତ ଗୁରୁତ୍ବପୂର୍ଣ I ତେଣୁ ଏହି ପଦକ୍ଷେପ ସେମାନଙ୍କର ସମ୍ପୂର୍ଣ୍ଣ ସୁସ୍ଥତାକୁ ସୁନିଶ୍ଚିତ କରିବା ତଥା ସଂସ୍କୃତି ପ୍ରତି ଆମର ଗଭୀର ପ୍ରତିବଦ୍ଧତାକୁ ପୂରଣ କରୁଛି ।’
କମ୍ପାନୀର କାର୍ଯ୍ୟରେ ଡ୍ରାଇଭର ଗଙ୍ଗାଧର ଲୁହାର ତାଙ୍କ କୃତଜ୍ଞତା ପ୍ରକାଶ କରି କହିଛନ୍ତି, ‘ଦୀର୍ଘ ଘଂଟା ଧରି ଗାଡ଼ି ଚଲାଇବା ପରେ ମୁଁ ଦୃଷ୍ଟି ସମସ୍ୟା ସହିତ ସଂଘର୍ଷ କରୁଥୁଲି I ଶିବିରରେ ସମ୍ପୂର୍ଣ ଚକ୍ଷୁ ପରୀକ୍ଷା ଛୋଟ ଦୃଷ୍ଟି ସମସ୍ୟା ନିର୍ଣ୍ଣୟ କରିବାରେ ସାହାଯ୍ୟ କରିଥିଲା, ଏବଂ ମୁଁ ପାଇଥିବା ସଂଶୋଧନ ଚଷମା ଏକ ବଡ଼ ପରିବର୍ତନ ଆଣିଛି। ଏବେ, ମୁଁ ସ୍ପଷ୍ଟ ଦୃଷ୍ଟି ଏବଂ ହ୍ରାସିତ ଆଖ୍ ଚାପ ସହିତ ଆତ୍ମବିଶ୍ଵାସର ସହିତ ଗାଡ଼ି ଚଲାଇପାରୁଛି ।’
ଏହାର କର୍ମଚାରୀ ଏବଂ ବ୍ୟବସାୟିକ ଅଂଶୀଦାରମାନଙ୍କୁ ସମର୍ଥନ କରିବା ପାଇଁ ଚାଲିଥିବା ପ୍ରୟାସର ଏକ ଅଂଶ ଭାବରେ, ବେଦାନ୍ତ ଝାରସୁଗୁଡ଼ା ସାସ୍ଥ୍ୟ ଶିବିର, ସଚେତନତା କାର୍ଯ୍ୟକ୍ରମ ଏବଂ ସେମାନଙ୍କର ସାସ୍ଥ୍ୟ ଏବଂ ସୁରକ୍ଷା ଆବଶ୍ୟକତା ଅନୁଯାୟୀ ସୁରକ୍ଷା ପଦକ୍ଷେପଗୁଡ଼ିକୁ ସକ୍ରିୟ ଭାବରେ ଆୟୋଜନ କରୁଛି । ଏଥିମଧ୍ୟରୁ ଏକ ପ୍ରମୁଖ ପଦକ୍ଷେପ ହେଉଛି ସୁରକ୍ଷା ସାରଥି, ବେଦାନ୍ତର କାର୍ଯ୍ୟରେ ଏବଂ ଏହାର ଆଖପାଖରେ କାର୍ଯ୍ୟ କରୁଥିବା ଡ୍ରାଇଭରମାନଙ୍କ ପାଇଁ ଏକ ଉତ୍ସର୍ଗୀକୃତ ସୁରକ୍ଷା ସଚେତନତା କାର୍ଯ୍ୟକ୍ରମ, ଯାହାର ଲକ୍ଷ୍ୟ ରାସ୍ତା ଏବଂ ବୃତିଗତ ସୁରକ୍ଷାରେ ସର୍ବୋତମ ଅଭ୍ୟାସଗୁଡ଼ିକୁ ସୁଦୃଢ଼ କରିବା । ପୂର୍ବରୁ, କମ୍ପାନୀ ଏହାର ମେଗା ଆଲୁମିନିୟମ ପ୍ଲାଟରେ କାର୍ଯ୍ୟରତ ଡ୍ରାଇଭରମାନଙ୍କ ମଧ୍ୟରେ ସଡ଼କ ସୁରକ୍ଷାକୁ ପ୍ରୋତ୍ସାହିତ କରିବା ପାଇଁ ଏକ ହାଲୁକା ମୋଟର ଯାନ (ଏଲଏମଭି) ଏବଂ ଭାରୀ ମୋଟର ଯାନ (ଏଚଏମଭି) ସିମୁଲେସନ୍ ତାଲିମ କେନ୍ଦ୍ର ଆରମ୍ଭ କରିଛି । ଏହି ପଦକ୍ଷେପଗୁଡ଼ିକ ଏହାର କାର୍ଯ୍ୟକୁ ସୁଗମ ଭାବରେ ଚଳାଇବାରେ ଗୁରୁତ୍ଵପୂର୍ଣ ଭୂମିକା ଗ୍ରହଣ କରୁଥିବା ଡ୍ରାଇଭରମାନଙ୍କ ପାଇଁ ଏକ ସୁରକ୍ଷିତ ଏବଂ ସହାୟକ ପରିବେଶ ସୃଷ୍ଟି କରିବା ଉପରେ ବେଦାନ୍ତର ଧ୍ୟାନକୁ ପ୍ରତିଫଳିତ କରେ ।
ବେଦାନ୍ତ ଲିମିଟେଡର ଏକ ବ୍ୟବସାୟ, ବେଦାନ୍ତ ଆଲୁମିନିୟମ୍, ଭାରତର ସର୍ବବୃହତ ଆଲୁମିନିୟମ୍ ଉତ୍ପାଦକ, ଯାହା ଆର୍ଥିକ ବର୍ଷ ୨୫ ମସିହାରେ ଭାରତର ଅଧାରୁ ଅଧିକ ଅର୍ଥାତ୍ ୨.୪୨ ନିୟୁତ ଟନ୍ ଆଲୁମିନିୟମ୍ ଉତ୍ପାଦନ କରିଛି । ଏହା ମୂଲ୍ୟଯୁକ୍ତ ଆଲୁମିନିୟମ୍ ଉତ୍ପାଦରେ ଅଗ୍ରଣି ଭାବରେ ଉଭା ହୋଇଛି ଯାହାକି ମୁଖ୍ୟ ଶିଳ୍ପଗୁଡ଼ିକରେ ଗୁରୁତ୍ଵପୂର୍ଣ୍ଣ ପ୍ରୟୋଗ ବ୍ୟବହାର କରିଥାଏ । ଆଲୁମିନିୟମ୍ ଶିଳ୍ପ ପାଇଁ ଏସଏଣ୍ଡପି ଗ୍ଲୋବାଲ୍ କର୍ପୋରେଟ୍ ସଷ୍ଟେନେବିଲିଟି ଆସେସମେଟ୍ ୨୦୨୪ ବିଶ୍ଵ ରାଙ୍କିରେ ବେଦାନ୍ତ ଆଲୁମିନିୟମ୍ ଦ୍ଵିତୀୟ ସ୍ଥାନରେ ଅଛି, ଯାହା ଏହାର ପ୍ରମୁଖ ସ୍ଥାୟୀ ବିକାଶ ଅଭ୍ୟାସର ପ୍ରତିଫଳନ । ଭାରତରେ ଏହାର ବିଶ୍ଵସ୍ତରୀୟ ଆଲୁମିନିୟମ୍ ସ୍କେଲର, ଆଲୁମିନା ରିଫାଇନାରୀ ଏବଂ ପାଓ୍ବାର ପ୍ଲାଟ ସହିତ, କମ୍ପାନୀ ଏକ ସବୁଜ ଆସନ୍ତାକାଲି ପାଇଁ ‘ଭବିଷ୍ୟତର ଧାତୁ’ ଭାବରେ ଆଲୁମିନିୟମ୍ର ଉଦୀୟମାନ ପ୍ରୟୋଗଗୁଡ଼ିକୁ ପ୍ରୋତ୍ସାହିତ କରିବାର ଏହାର ଲକ୍ଷ୍ୟ ପୂରଣ କରୁଛି ।
