ଓଡ଼ିଆ ବାର୍ତ୍ତା/ ଧର୍ମଗଡ଼ (ଲବଣୀ ରାଉତ): ଧର୍ମଗଡ ଥାନା ଅନ୍ତର୍ଗତ ବୋଡେ଼ନ ରୁ ଦାବ୍ରିପଦର ରାସ୍ତା ମଝିରେ ସୋମବାର ମଧ୍ୟାହ୍ନ ୨ ଟା ରେ ବିପରୀତ ଦିଗରୁ ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଜଣେ ଯୁବକଙ୍କ ମୃତ୍ୟୁ ହୋଇଥିଲା। ମୃତକ ହେଲେ ତରାପୁର ଗ୍ରାମର ପୁଳସ୍ତ ଚଣ୍ଡି। ଓଡି 08 ୱାଇ 4460 ନମ୍ବର ବିଶିଷ୍ଟ ଏଚଏଫ ଡିଳକ୍ସ ବାଇକ ଯୋଗେ ତରାପୁର ଗ୍ରାମର ପୁଲସ୍ତ ଚଣ୍ଡୀ ଓ କେଦାର ବାଗ ଧର୍ମଗଡ ରୁ ନିଜ ଗାଁ କୁ ଯାଉଥିବା ବେଳେ ବିପରୀତ ଦିଗରୁ ଓଡି 17 ଏବି 6419 ନମ୍ବର ବିଶିଷ୍ଟ ପଲସର ବାଇକ ଯୋଗେ ଧର୍ମଗଡ ବ୍ଲକରେ କାର୍ଯ୍ୟରତ କନିଷ୍ଠ ଯନ୍ତ୍ରୀ ରମାନନ୍ଦ ଭୋଇ କାର୍ଯ୍ୟ ସାରି ଧର୍ମଗଡ ଆସୁଥିବା ବେଳେ ଦୁଇ ବାଇକ ମଧ୍ୟରେ ମୁହାଁ ମୁହିଁ ଧକ୍କା ହୋଇଥିଲା। ଦୁର୍ଘଟଣା ରେ ୨ ଜଣ ଗୁରୁତର ଙ୍କୁ ସ୍ଥାନୀୟ ଲୋକଙ୍କ ସହାୟତା ରେ ୧୦୮ ଆମ୍ବୁଲାନ୍ସ ରେ ଧର୍ମଗଡ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା. ଆମ୍ବୁଲାନ୍ସ ଯୋଗେ ପୁଳସ୍ତ ଚଣ୍ଡିକୁ ଧର୍ମଗଡ ହସ୍ପିଟାଲ ନେଇଥିବା ବେଳେ ସେଠାରେ ଡାକ୍ତର ମୃତ ଘୋଷଣା କରିଥିଳେ । ଗୁରୁତର ମାନେ ହେଲେ କେଦାର ବାଗ ଓ କନିଷ୍ଠ ଯନ୍ତ୍ରୀ ରମାନନ୍ଦ ଭୋଇ ବୋଳି ସୂଚନା ମିଳିଛି । ଘଟଣା ପରେ ଧର୍ମଗଡ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ଦେଖିବାକୁ ମିଳିଛି। ପରିବାର ଲୋକେ ଥାନାରେ ଏତଲା ଦେଲା ପରେ ପୋଲିସ ଏତଲା କୁ ଭିତ୍ତି କରି ଥାନା କେଶ ନମ୍ବର 181/25 ରେ ଏକ ମାମଲା ରୁଜୁ କରି ମଙ୍ଗବାର ଧର୍ମଗଡ ଉପଖଣ୍ଡ ଡାକ୍ତରଖାନାରେ ଶବ ବ୍ୟବଚ୍ଛେଦ ପରେ ପରିବାର ବର୍ଗ କୁ ଶବ ହସ୍ତାନ୍ତର କରିଥିଲେ।
