ଓଡ଼ିଆ ବାର୍ତ୍ତା/ କଲ୍ୟାଣ ସିଂହପୁର (ପଦ୍ମନ ଭତ୍ରା): ଭାତପରିସି ଠାରୁ ନାରାୟଣପୁର ରାସ୍ତା ଶୋଚନୀୟ ହୋଇଥିବା ଦେଖିବାକୁ ମିଳିଛି । ଉକ୍ତ ରାସ୍ତା ନାରାୟଣପୁର ପଞ୍ଚାୟତ କାର୍ଯ୍ୟାଳୟ କୁ ଯିବା ଆସିବା କରିବା ପାଇଁ ନିର୍ମାଣ କରାଯାଇଥିଲା । ବର୍ତ୍ତମାନ ବର୍ଷା ଲାଗିରହିଥିବା ଯୋଗୁଁ ରାସ୍ତା ମଝିରେ ଖାଲ ଖମା ହୋଇ ପାଣି ଭରି ହୋଇଥିବା ଦେଖିବାକୁ ମିଳିଛି । ଏହି ରାସ୍ତା ମରାମତି କରିବା ପାଇଁ ଉଭୟ ଗ୍ରାମବାସୀ ବାରମ୍ବାର ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିପାରି ନ ଥିବା ଜଣା ପଡ଼ିଛି । ପୂର୍ତ୍ତ ବିଭାଗ ରାସ୍ତା ଠାରୁ ମାତ୍ର ଏକ କିଲୋ ମିଟର ଦୂରରେ ଏହି ଗାଁ ରହିଛି | ମାଟିରାସ୍ତା ହୋଇଥିବାରୁ ଅଳ୍ପ ବର୍ଷା ହେଲେ କାଦୁଅ ହୋଇ ରାସ୍ତା ଶୋଚନୀୟ ହୋଇଯାଉଛି ଯାହା ଫଳରେ ପଞ୍ଚାୟତ କୁ ଯିବାକୁ ହେଲେ ଭାତପରିସୀ ଠାରୁ ଏକ କିଲୋ ମିଟର ପରିବର୍ତ୍ତେ ବୁଲି ବୁଲି ସୀତାପୁର ଦେଇ ୬ କିଲୋ ମିଟର ଯିବାକୁ ପଡୁଛି । ରୋଗ ବେମାର ଗର୍ଭବତୀ ମହିଳା ମାନେ ଆବଶ୍ୟକ ସ୍ଥଳେ ପଞ୍ଚାୟତ କାର୍ଯ୍ୟାଳୟକୁ ଯିବାକୁ ବହୁ ଅସୁବିଧାର ସମ୍ମୁଖିନ ହେବାକୁ ପଡୁଛି । ଏହି ରାସ୍ତା କୁ ପ୍ରତେକ ବର୍ଷ ମୋର୍ମ ପକେଇ ଠିକାଦାର ମାନେ ମାଲେମାଲ ହେଉଛନ୍ତି । ଏହି ରାସ୍ତା ସ୍ଥାୟୀ ନ ହେଲେ ପ୍ରତେକ ବର୍ଷ ଭଳି ଦୁଇ ତିନି ଲୋଡ଼ ମୁରମ୍ ମାଟି ପକେଇ ଠିକାଦାର ମାନେ ଲକ୍ଷ ଲକ୍ଷ ଟଙ୍କା ହଡ଼ପ କରୁଥିବା ରୁ ସାଧାରଣ ଲୋକମାନେ ଅସୁବିଧା ଭଗିବେ ବୋଲି ଭାତପରିସୀ ଓ ନାରାୟଣପୁର ଗ୍ରାମବାସୀ କହିଛନ୍ତି । ନାରାୟଣପୁର ଠାରୁ ଭାତପରିସୀ ପର୍ଯ୍ୟନ୍ତ ପକ୍କା ରାସ୍ତା ତିଆରି କରିବାକୁ ବୁଦ୍ଧିଜୀବୀ ମହଲରେ ଦାବି ହେଉଛି |
