ଓଡ଼ିଆ ବାର୍ତ୍ତା/ ବେଲପଡ଼ା (ତ୍ରିନାଥ ବାଗ): କଣ୍ଟାବାଞ୍ଜି ମହିଳା ସ୍ନାତକ ମହିଳା ମହାବିଦ୍ୟାଳୟରେ ଅଧ୍ୟାପକ, ଅଧ୍ୟାପିକା, କର୍ମଚାରୀ, ଆଭ୍ୟନ୍ତରୀଣ ଅଭିଯୋଗ କମିଟି ର ସଦସ୍ୟ/ ସଦସ୍ୟା ଓ ଛାତ୍ରୀ ମାନଙ୍କୁ ନେଇ ଏକ ଯୌନ ନିର୍ଯାତନା ସଚେତନତା କର୍ମଶାଳା ଓ ଶପଥ ପାଠ କାର୍ଯ୍ୟକ୍ରମ ଅନୁଷ୍ଠିତ ଯାଇଯାଅଛି। ଏହି କର୍ମଶାଳା ଳରେ ଅଧ୍ୟକ୍ଷ ରାଜେନ୍ଦ୍ର କୁମାର ପୁରୋହିତ, ଯୌନ ଉତ୍ପୀଡନ ( ନିବାରଣ, ନିଷେଧ ଓ ପ୍ରତିକାର) ଆଇନ ୨୦୧୩ ଓ ବିଶ୍ଵବିଦ୍ୟାଳୟ ଅନୁଦାନ ଆୟୋଗ ଆଇନ ୨୦୧୫ ରେ ଥିବା ବିଭିନ୍ନ ପ୍ରକାରର ଧାରା, କେୟକ୍ଷେତ୍ର ରେ ଯୌନ ନିର୍ଯାତନାର ପ୍ରକାର ଭେଦ, ଯୌନ ନିର୍ଯ୍ୟାତନାର ପ୍ରଭାବ, ଅଭିଯୋଗ କରିବାର ପ୍ରକ୍ରିୟା, ଆଭ୍ୟନ୍ତରୀଣ ଅଭିଯୋଗ କମିଟି ର ଦାୟିତ୍ଵ, ଦଣ୍ଡ ବିଧାନ ବ୍ୟବସ୍ଥା ଉପରେ ବୁଝାଇଥିଲେ। ଆଇସିସିର ଅଧ୍ୟକ୍ଷା, ଅଧ୍ୟାପିକା ସୁନନ୍ଦା ରଥ କର୍ମ ସଂସ୍ଥାନର ସମସ୍ତ ଅଂଶୀଦାର ଯୌନ ନିର୍ଯାତନା ରୋକିବା ପାଇଁ କଣ କରିବା ଉଚିତ୍ ଓ କଣ ନ କରିବା ଉଚିତ୍ ବିଷୟରେ ବିସ୍ତୃତ ଭାବରେ ବୁଝାଇଥିଲେ। ଅନ୍ୟମାନଙ୍କ ମଧ୍ୟରେ ଅଭ୍ୟନ୍ତରୀଣ ଅଭିଯୋଗ କମିଟି ର ସମସ୍ତ ସଭ୍ୟ/ସଭ୍ୟା, ମହାବିଦ୍ୟାଳୟ ର ସମସ୍ତ ଅଧ୍ୟାପକ/ଅଧ୍ୟାପିକା, କର୍ମଚାରୀ ଓ ପ୍ରାୟ ଦୁଇ ଶହ ରୁ ଅଧିକ ଛାତ୍ରୀ ଏହି କର୍ମଶାଳାରେ ଉପସ୍ଥିତ ହୋଇ ସଚେତନତା ଦିଗ୍ଦର୍ଶନ୍ ପ୍ରାପ୍ତି କରିଥିଲେ। ଶେଷରେ ଅଧ୍ୟକ୍ଷ ସମସ୍ତ ଅଂଶୀଦାରଙ୍କୁ କଣ କର୍ତ୍ତବ୍ୟ କରିବା ଉଚିତ୍ ଓ ଅକର୍ତବ୍ୟ ନକରିବା ଉଚିତ୍ ଶପଥ ପାଠ କରାଇଥିଲେ ଓ ସମସ୍ତ ଅଂଶ ଗ୍ରହଣ କାରି ଙ୍କୁ ଧନ୍ୟବାଦ୍ ଜଣାଇ କର୍ମଶାଳା କୁ ସମାପ୍ତ କରିଥିଲେ।
