ଓଡ଼ିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଳେଇ): ଗୋଲାମୁଣ୍ଡା ବ୍ଲକ ରେଙ୍ଗସାପାଲି ସ୍ଥିତ ହାତୀରମ ଉଚ୍ଚ ବିଦ୍ୟାପୀଠର ପ୍ରଧାନଶିକ୍ଷକ ରାଜକିଶୋର ବୁଦ୍ଧିଆ ଅବସର ଗ୍ରହଣ କରିଛନ୍ତି। ଏନେଇ ହାଇସ୍କୁଲ ପ୍ରଙ୍ଗଣରେ ପ୍ରଧାନଶିକ୍ଷକଙ୍କ ଅବସରକାଳୀନ ସମ୍ବର୍ଦ୍ଧନା ସଭା ମହାସମାରୋହରେ ଅନୁଷ୍ଠିତ ହୋଇଥିଲା। ହାତୀରମ ଉଚ୍ଚ ବିଦ୍ୟାପୀଠ ଗତ ୧୯୮୯ ମସିହାରେ ବେସରକାରୀ ଗଢ଼ି ଉଠିଥିଲା। ଶ୍ରୀ ବୁଦ୍ଧିଆ ଦୀର୍ଘ ୩୬ ବର୍ଷ ଧରି ପ୍ରଧାନଶିକ୍ଷକ ଭାବେ କାର୍ଯ୍ୟରତ ଥିଲେ ଏବଂ ନିଜ କର୍ତ୍ତବ୍ଯ ସୁଚାରୂପେ ତୁଲାଇ ଅନେକ ସୂଯୋଗ୍ୟ ଛାତ୍ର ସୃଷ୍ଟି କରିଥିଲେ। ଏହି ସଭାରେ ମୁଖ୍ୟ ଅତିଥି ଭାବରେ ପୂର୍ବତନ ଏବିଇଓ ଭୀମସେନ ମୁଣ୍ଡ, ସମ୍ମାନିତ ଅତିଥି ଭାବରେ କୁହୁରା ହାଇସ୍କୁଲ ପ୍ରଧାନ ଶିକ୍ଷକ ସୁମନ୍ତ ନେହୁରା, ସଂକ୍ରିପାଲି ସ୍କୁଲ ପ୍ରଧାନ ଶିକ୍ଷକ ଶେଷଦେବ ପାଢ଼ୀ, ଉଚ୍ଛଳା ହାଇସ୍କୁଲ ପ୍ରଧାନ ଶିକ୍ଷକ ବିଭୁତି ବିଶ୍ୱାଳ, ମୟୁର ଭୋଇ, ପୂର୍ବତନ ସରପଞ୍ଚ ସନ୍ତୋଷ ବୁଦ୍ଧିଆ, ସମିତି ସଭ୍ୟା ସଙ୍ଗୀତା ଯାନୀ, ପ୍ରତାପ କୁମାର ପତି, ରତିକାନ୍ତ ପ୍ରଧାନ ଏବଂ ଅନ୍ୟାନ ଅତିଥି ଉପସ୍ଥିତ ଥିଲେ। ପୁରାତନ ଛାତ୍ର ମଧୁସୂଦନ ରହ୍ନା କାର୍ଯ୍ୟକ୍ରମ ପରିଚାଳନା କରିଥିବାବେଳେ ଶେଷରେ ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ମୁରଲୀଧର ବାଗ ଧନ୍ୟବାଦ ଅର୍ପଣ କରିଥିଲେ।
