ଓଡ଼ିଆ ବାର୍ତ୍ତା/ ସଇଁତଲା (ଗୋକୁଳା ନନ୍ଦ ବଗର୍ତ୍ତୀ): କନ୍ଧକେଳ ଗାଁରେ କୃଷି ସମବାୟ ସମିତି ସ୍ଥାପନ ପାଇଁ ବହୁ ଦିନରୁ ଦାବି ହୋଇ ଆସୁଛି କିନ୍ତୁ କୌଣସି ସୁଫଳ ମିଳିପାରିନାହିଁ। ତିନି ବର୍ଷ ହେଲାଣି ପେସ୍କ୍ ଖୋଳିବା ପାଇଁ ସରକାର ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରିଛନ୍ତି ତେବେ ତାହା କୌଣସି କାମରେ ଆସୁ ନାହିଁ। ପୂର୍ବ ବର୍ଷ ଭଳି ଚଳିତ ବର୍ଷ ମଧ୍ଯ ବୁଢାବାହାଲ କୃଷି ସମବାୟ ସମିତି ସମସ୍ତ କାଗଜପତ୍ର କରିବା ପାଇଁ ସରକାର ନିର୍ଦେଶ ଦେଇ ଥିବାବେଳେ ତାକୁ କନ୍ଧକେଳ ଗାଁର ଚାଷି ବିରୋଧ କରିଛନ୍ତି। ତେଣୁ ସର୍ବ ସମ୍ମତି କ୍ରମେ ଆସନ୍ତା ଅଗଷ୍ଟ ୫ ମଙ୍ଗଳବାର ଦିନ ରାଜରାସ୍ତା ଅବରୋଧ କରିବା ପାଇଁ ଚାଷିମାନେ ନିଷ୍ପତି ସହ ବଲାଙ୍ଗୀର ଜିଲ୍ଲାପାଳ, ଡିଆରଓ, ଏଆରଓ ସଇଁନ୍ତଲା, ତହସିଲଦାର ଓ ସଇଁନ୍ତଳା ପୋଲିସକୁ ମଧ୍ଯ ଳିଖିତ ଭାବେ ଜଣାଇଥିବା ପ୍ରକାଶ କରିଛନ୍ତି। ଉକ୍ତ କାର୍ଯ୍ୟକ୍ରମ ଚାଷି ନେତା ତଥା ସଭାପତି ପ୍ରେମ ଭୋଇ, ଭୀଷ୍ମ ସାହୁ, ପ୍ରମୋଦ କୁମାର ପଣ୍ଡା, ଟିକେଶ୍ବର ସାହୁ, ସନ୍ତୋଷ ପ୍ରଧାନ, ଶୁରେଶ ଭୋଇ, ଗିରିଧାରି ସାହୁ, କୃଷ୍ଣଚନ୍ଦ୍ର ମିଶ୍ର, ଗଜିନ୍ଦ୍ର ଗଡତିଆ, ଲବ ପଧାନ, ପ୍ରେମାନନ୍ଦ ଭୋଇ, ରବି ସାହୁ, ତେଜରାଜ ସାହୁ, ଗୋପବନ୍ଧୁ ମେହେର ଓ କନ୍ଧକେଳ ପଞ୍ଚାୟତର ଅନେକ ଚାଷୀ ଉପସ୍ଥିତ ଥିଲେ।
