ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା କେନ୍ଦ୍ର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ନିର୍ମଳ ବାରିକ ଓ ଶାନ୍ତପୁର ଗ୍ରାମ ପଞ୍ଚାୟତ ଅଧିନସ୍ଥ ବଡ଼ଚିଚିଙ୍ଗ ପ୍ରାଥମିକ ବିଦ୍ୟାଳୟର ଶିକ୍ଷକ ଖଗପତି ସାହୁ ଜୁଲାଇ ୩୧ ରେ ଅବସର ଗ୍ରହଣ କରିଛନ୍ତି। ଏଥିପାଇଁ ନର୍ଲା ପ୍ରାଥମିକ ବିଦ୍ୟାଳୟ ପରିସରରେ ପରିଚାଳନା ସମିତି ଓ ଶିକ୍ଷକ ଶିକ୍ଷୟତ୍ରୀ ମାନଙ୍କ ତରଫରୁ ଏକ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା। ଏଥିରେ ମୁଖ୍ୟ ଅତିଥି ଭାବରେ ବ୍ଲକ ଶିକ୍ଷାଧିକାରୀ ତପିମଣି ଜାନୀ ଯୋଗଦାନ କରି ବିଦାୟୀ ଶିକ୍ଷକ ନିର୍ମଳ ବାରିକଙ୍କ ଅନୁଷ୍ଠାନ ପ୍ରତି ନିଷ୍ଠା ଓ ତାଙ୍କର ସମୟାନୁବର୍ତ୍ତିତା ବିଷୟରେ ଦୃଷ୍ଟାନ୍ତ ଦେଇଥିଲେ। ଏଥିରେ ସମ୍ମାନୀତ ଅତିଥି ଭାବରେ ନର୍ଲାର ଅତିରିକ୍ତ ବ୍ଲକ ଶିକ୍ଷାଧିକାରୀ ଗୋବର୍ଦ୍ଧନ ମାଝୀ, ପ୍ରାଥମିକ ଶିକ୍ଷକ ସଂଘ ର ବ୍ଲକ ସଭାପତି ମୀନକେତନ ସାହୁ, ସଂପାଦକ ଅମିତ କୁମାର ଶର୍ମା, ଅବସରପ୍ରାପ୍ତ ପ୍ରଧାନ ଶିକ୍ଷକ ସରୋଜ ଚାନ୍ଦ, ଅଭିରାମ ପଧାନ, ସୁନୀଲ ଚାନ୍ଦ, ବିଇଓ ଅଫିସ ଷ୍ଟାଫ ଗଣେଶ ପୂଜାରୀ ଓ ଜୟଚନ୍ଦ୍ର ହାତୀ ପ୍ରମୁଖ ମଞ୍ଚାସୀନ ରହି ମାର୍ଗ ଦର୍ଶନ ଦେବା ସହ ବିଦାୟୀ ଶିକ୍ଷକ ଶ୍ରୀ ବାରିକ ଙ୍କୁ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ। ଏହାପରେ ଛାତ୍ର ଛାତ୍ରୀ ଓ ବିଦ୍ୟାଳୟର ଷ୍ଟାଫ ମାନେ ଉପହାର ମାନ ପ୍ରଦାନ କରିଥିଲେ। ଇତ୍ୟବସରରେ ବିଦାୟୀ ଶିକ୍ଷକ ଶ୍ରୀ ବାରିକ ଓ ବଡ଼ଚିଚିଂ ପ୍ରାଥମିକ ବିଦ୍ୟାଳୟର ଅବସରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀ ସାହୁ ଉଭୟଙ୍କୁ ପୃଥକ ପୃଥକ ଭାବରେ ଫାଇନାଲ ପେନସନ ପତ୍ର ପ୍ରଦାନ କରିଥିଲେ ମୁଖ୍ୟ ଅତିଥି ଶ୍ରୀ ଜାନୀ ଏଵଂ ଏବିଇଓ ଶ୍ରୀ ମାଝୀ। ଏଠାରେ ପ୍ରକାଶ ଯୋଗ୍ୟ ଯେ ଆଗରୁ ଅବସର ନେବାର ସପ୍ତାହକ ପରେ ପ୍ରୋଭିଜନାଲ ପେନସେନ ପତ୍ର ପ୍ରଦାନ କରାଯାଉଥିଲା। ଫାଇନାଲ ପେନସନ କାଗଜ ପତ୍ର ଠିକ କରିବା ପାଇଁ ଓ ଫାଇନାଲ ପେନସନ ପାଇବା ପାଇଁ ଅବସର ପ୍ରାପ୍ତ ଶିକ୍ଷକଙ୍କୁ ବର୍ଷ ବର୍ଷ ସମୟ ଲାଗୁଥିଲା। ଏବେ ସରକାରଙ୍କ ନିର୍ଦ୍ଦେଶ କ୍ରମେ ଶିକ୍ଷକ ଶିକ୍ଷୟତ୍ରୀ ମାନଙ୍କ ଅବସର ନେବା ଦିନ ର ୬ ମାସ ଆଗରୁ ବିଭାଗ ସେମାନଙ୍କ ସମସ୍ତ ଡକ୍ୟୁମେଣ୍ଟ ସମ୍ପୂର୍ଣ୍ଣ କରି ଶେଷ କାର୍ଯ୍ୟ ଦିବସ ଅବସର ନେଉଥିବା ଦିନ ହିଁ ବିଦାୟୀ ଶିକ୍ଷକଙ୍କୁ ବିଭାଗ ତରଫରୁ ଫାଇନାଲ ପେନସନ ପତ୍ର ପ୍ରଦାନ କରାଯାଉଛି ବୋଲି ମୁଖ୍ୟ ଅତିଥି ବ୍ଲକ ଶିକ୍ଷା ଧିକାରୀ ଶ୍ରୀ ଜାନୀ ମତବ୍ୟକ୍ତ କରିଛନ୍ତି। ମୁଁ କର୍ମମୟ ଜୀବନ ଚାକିରୀ ଜୀବନରୁ ଅବସର ନେଲି। ମୋର ସହକର୍ମୀ, ଛାତ୍ର ଛାତ୍ରୀ ଓ ଷ୍ଟାଫ ମାନଙ୍କ ତରଫରୁ ଅନେକ ସହଯୋଗ ପାଇଛି। ଏହା ମୋ ପାଇଁ ସ୍ମରଣୀୟ ହୋଇ ରହିବ। ବିଶେଷ କରି ମୋ ଶିକ୍ଷା ବିଭାଗର ଉଚ୍ଚ ପଦସ୍ଥ ଅଧିକାରୀ ବୃନ୍ଦ ମୋର ଶେଷ କାର୍ଯ୍ୟ ଦିବସ ଦିନ ମୋର ଫାଇନାଲ ପେନସନ ପତ୍ର ପ୍ରଦାନ କରି ମୋତେ ଯେଉଁ ଅମୂଲ୍ୟ ଉପହାର ଦେଇଛନ୍ତି ଏଥିପାଇଁ ମୁଁ ମୋ ଅଧିକାରୀ ମାନଙ୍କ ନିକଟରେ କୃତଜ୍ଞ ବୋଲି ତାଙ୍କ ବିଦାୟୀ ବକ୍ତବ୍ୟରେ କହିଛନ୍ତି। ଏହି ସମ୍ବର୍ଦ୍ଧନା ସଭାକୁ ବିଦ୍ୟାଳୟର ସହକାରୀ ଶିକ୍ଷକ ଅଜିତ ନାଏକ ପରିଚାଳନା କରିଥିବା ବେଳେ ବରିଷ୍ଠ ଶିକ୍ଷକ ଅନୀଲ ସାହୁ ମଞ୍ଚ ସଂଯୋଜନା କରିଥିଲେ। ବରିଷ୍ଠ ଶିକ୍ଷକ କିଶୋର ଚନ୍ଦ୍ର ଭୋଇ, ଟଙ୍କଧର ନିଆଲ, ନେପାଳ ସାହୁ, ଯୁଧିଷ୍ଠିର ଭୋଇ, ଶରତ ଭୋଇ, ଅର୍ଜୁନ ବାଗ, ଶିକ୍ଷୟତ୍ରୀ ଦୀପାଞ୍ଜଳି ପାଢୀ, ଶ୍ରୀମା ପରିଡା, ସବିତା ସେଠୀ, ରାଜୁ ପାଢୀ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ସିଆରସିସି କ୍ଷୀରସିନ୍ଧୁ ବାଗ ଧନ୍ୟବାଦ ଅର୍ପଣ କରିଥିଲେ।
