ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର ( ରାଜ କିଶୋର ତ୍ରିପାଠୀ ): ସୋନପୁର କଲେଜ ଆଲୁମିନୀ ଏସୋସିଏସନ ପକ୍ଷରୁ ନୂତନ ଭାବେ ଯୋଗଦାନ କରିଥିବା ଜିଲ୍ଲାପାଳ ନୃପରାଜ ସାହୁ ଙ୍କୁ ତାଙ୍କ କାର୍ଯ୍ୟାଳୟ ଠାରେ ସ୍ବାଗତ ସମ୍ବର୍ଦ୍ଧନା ଦିଆଯାଇଛି । ଶିକ୍ଷା ବିଭାଗରୁ ଆସିଥିବା ଶ୍ରୀ ସାହୁ ଆଲୁମିନୀ ଏସୋସିଏସନ ସହିତ ସୌହାର୍ଦ୍ଦ୍ୟପୂର୍ଣ୍ଣ ଆଲୋଚନା କରିବା ସହ ସୋନପୁର କଲେଜର ସମସ୍ତ ବିଷୟ ପଚାରି ବୁଝିଥିଲେ । ଏହି ଅବସରରେ ସଦସ୍ୟ ମାନେ କଲେଜ ରେ ପିଜି ପାଠ୍ୟକ୍ରମ ଖୋଲିବା ପାଇଁ ନିବେଦନ କରିଥିବା ବେଳେ କଲେଜ ର ବାଡ ଭାଙ୍ଗିଯାଇଥିବା ଯୋଗୁଁ ଅସାମାଜିକ ବ୍ୟକ୍ତିଙ୍କ ଅନଧିକାର ପ୍ରବେଶ ସହ ଗାଇ ମଧ୍ଯ କଲେଜ ଭିତରକୁ ପ୍ରବେଶ କରୁଥିବା ବିଷୟ ଜଣାଇ ଥିଲେ। ଏବଂ କଲେଜକୁ ନାକ୍ ର ପୁନଃ ସ୍ଵୀକୃତି ପାଇଁ ପଦକ୍ଷେପ ନେବା ସହ ସର୍ବ ପୂରାତନ ସୋନପୁର କଲେଜକୁ ସରକାରୀ ମାନ୍ୟତା ପାଇଁ ପଦକ୍ଷେପ ନେବା ପାଇଁ ଅନୁରୋଧ କରାଯାଇଥିଲା। ଏହି ସାକ୍ଷାତ ସମୟରେ ଆଲୁମିନୀ ଏସୋସିଏସନ ର ସଭାପତି ଡଃ ପ୍ରଫୁଲ୍ଲ କୁମାର ରଥ, ଉପ ସଭାପତି ଗତିକୃଷ୍ଣ ମିଶ୍ର, ସଂପାଦକ ଭାରତ ଭୁଷଣ ଦାଶ, କୋଷାଧ୍ୟକ୍ଷ ବିଶ୍ଵ ରଞ୍ଜନ ପୂଝାରୀ, ସଂଯୋଜକ ସୁଦାମ ମିଶ୍ର, ଅର୍ଥ ବିଭାଗ ନିଶାନ୍ତ ମହାନ୍ତି, କାର୍ଯ୍ୟକାରୀ ସଦସ୍ୟ ପ୍ଲାବନ ମହାପାତ୍ରଙ୍କ ସହ ମିଡିଆ ସେଲ ମେମ୍ବର ରାଜ କିଶୋର ତ୍ରିପାଠୀ ପ୍ରମୁଖ ଆଲୋଚନାରେ ଭାଗ ନେଇଥିଲେ ।
