ଓଡ଼ିଆ ବାର୍ତ୍ତା/ ଜୁନାଗଡ଼ (ସ୍ବାସ୍ତିଦୀପ ଆଦିତ୍ୟ): ଜୁନାଗଡ ଏନ.ଏ.ସି ବଜାର ପଡ଼ା ବି.ସି.ସି ବ୍ୟାଙ୍କ ପଛଭାଗ ଅଞ୍ଚଳରେ ଡ୍ରେନେଜ ସୁବିଧା ନଥିବାରୁ ଜନସାଧାରଣ ହନ୍ତସନ୍ତ ହେଉଛନ୍ତି। ବର୍ଷାଦିନେ ଘରେ ଘରେ ପାଣି ଜମିବା ଯୋଗୁଁ ନାହିଁ ନଥିବା ଅସୁବିଧା ଦେଖାଯାଇଛି। ପାଣି ଜମିବା ଯୋଗୁଁ ଦୁର୍ଗନ୍ଧ ହେବା ସହ ଅନେକ ରୋଗ ବଇରାଗ ସୃଷ୍ଟି ହେଉଛି। ଏହାକୁ ନେଇ ସ୍ଥାନୀୟ ଲୋକେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ଏହି ଅଞ୍ଚଳରେ ବର୍ଷ କିଛି ପୂର୍ବରୁ ପେଭର୍ ବ୍ଲକ ରାସ୍ତା ତିଆରି କରାଯାଇଥିଲା। ସେହି ସମୟରେ ପ୍ରଶାସନ ଓ ଠିକାଦାରଙ୍କୁ ଡ୍ରେନ ତିଆରି କରିବା ପାଇଁ ଅନୁରୋଧ କରାଯାଇଥିଲା କିନ୍ତୁ କୌଣସି ସୁଫଳ ମିଳିପାରିଲାନାହିଁ। ସ୍ଥାନୀୟ ଲୋକମାନେ ଏନ.ଏ.ସି ରେ ଦୁଇଥର ଅଭିଯୋଗ ଦେଲେ ମଧ୍ୟ ଏନ.ଏ.ସି କୃତପକ୍ଷ ଏପର୍ଯ୍ୟନ୍ତ ଏହି ସମସ୍ୟାର ସମାଧାନ କରିନାହାନ୍ତି। ତେଣୁ ପ୍ରଶାସନ ଏଦିଗରେ ଦୃଷ୍ଟି ଦେଇ ଡ୍ରେନ ନିର୍ମାଣ କରିବାକୁ ସାଧାରଣରେ ଦାବି ହେଉଛି।
