ସାଇଣ୍ଟିଫିକ ଟିମ୍ ସାହାଯ୍ୟରେ ପୁଲିସର ତଦନ୍ତ ଜାରି
ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ଥାନା ରେଙ୍ଗାଲପାଲି ପଞ୍ଚାୟତ ଡଙ୍ଗରୀଗୁଡା ଗ୍ରାମରେ ଘରେ କେହି ନଥିବା ସମୟରେ ଟଙ୍କା ଓ ଗହଣା ଚୋରି ହୋଇଥିବା ଅଭିଯୋଗ ହୋଇଛି। ଅଭିଯୋଗ ପରେ କୋକସରା ଥାନା ପୁଲିସ ସନ୍ଧାନୀ କୁକୁର ଓ ସାଇଣ୍ଟିଫିକ୍ ଟିମ୍ ସାହାଯ୍ୟରେ ତଦନ୍ତ ଆରମ୍ଭ କରିଛନ୍ତି। ସୂଚନା ଅନୁସାରେ, ଗତ ୨ ତାରିଖରେ ଡ଼ଙ୍ଗାରୀଗୁଡା ଗ୍ରାମର ଦ୍ରୋପତି ଯୋଷୀ ଓ ତାଙ୍କ ପରିବାର କୌଣସି କାମ ପାଇଁ ଭବାନୀପାଟଣା ଯାଇଥିଲେ। ତେବେ ଘରେ କେହି ନଥିବା ସୁଯୋଗ ନେଇ ମୁଖ୍ୟ ଦ୍ୱାର ଭାଙ୍ଗି ସେହି ରାତିରେ ତାଙ୍କ ଘରୁ କେହି ଦୁବୃର୍ତ୍ତ ୫୦ ହଜାର ଟଙ୍କା ଓ ୧ ତୋଲା ସୁନା ଚୋରି କରି ନେଇଥିବା ଥାନାରେ ଅଭିଯୋଗ ହୋଇଛି । ଏନେଇ ଗୃହକର୍ତ୍ତା ୩ ତାରିଖରେ ମୋଟେର ଫାଣ୍ଡିରେ ଲିଖିତ ଅଭିଯୋଗ କରିଥିବା ପରେ ସୋମବାର ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ୍ ସାହାଯ୍ୟରେ ପୁଲିସ ବିଭିନ୍ନ ଦିଗକୁ ତଦନ୍ତ ଆରମ୍ଭ କରିଥିବା କୋକସରା ଥାନା ପକ୍ଷରୁ ସୂଚନା ମିଳିଛି।
