ଓଡ଼ିଆ ବାର୍ତ୍ତା/ ରାୟଗଡ଼ା (ପଦ୍ମନ ଭତ୍ରା): କାଶୀପୁର ବ୍ଲକ ଅନ୍ତର୍ଗତ ଗୋଡ଼ିବାଲି ପଞ୍ଚାୟତର ପଣସଗୁଡ଼ା ଗ୍ରାମର ସମସ୍ୟା ଦିନକୁ ଦିନ ଗମ୍ଭୀର ହେବାରେ ଲାଗିଛି। ପୂର୍ତ୍ତ ବିଭାଗ ମୁଖ୍ୟ ରାସ୍ତାରୁ ଗ୍ରାମକୁ ମାତ୍ର ଦୁଇ କିଲୋମିଟର ବ୍ୟବଧାନ, ବର୍ଷା ଜଳ ପ୍ରବାହିତ ନଦୀ ଟିଏ ଅଞ୍ଚଳବାସୀଙ୍କ ଧନ ଜୀବନ ଓ ଶିକ୍ଷା ସ୍ୱାସ୍ଥ୍ୟ ପ୍ରତି ପ୍ରତିବନ୍ଧକ ସାଜିଛି। ଗ୍ରାମକୁ ଆମ୍ବୁଲାନ୍ସ ଟିଏ ଯିବାର ସୁବିଧା ନାହିଁ ଲୋକେ ବିଭିନ୍ନ ସମୟରେ ନାହିଁ ନ ଥିବା ସମସ୍ୟାର ସମ୍ବୁଖୀନ ହେଉଛନ୍ତି। ଶିକ୍ଷା, ସ୍ୱାସ୍ଥ୍ୟ, ଗମନା ଗମନ ଠପ ହୋଇ ଯାଉଛି। ପ୍ରଶାସନ ଅଞ୍ଚଳବାସୀଙ୍କ ଗୁହାରି ଶୁଣୁନାହାନ୍ତି। ଗ୍ରାମ ରୋଜଗାର ସେବକ ଶ୍ୟାମଧର ମାଝୀ ଓ ଲୋକେ ମିଶି ନଦୀ ଉପରେ ଏକ କାଠ ପୋଲ ନିର୍ମାଣ କରିଥିଲେ। କିନ୍ତୁ ଆଜକୁ ତିନି ବର୍ଷ ପୂର୍ବେ ନିର୍ମିତ ଏହି କାଠ ପୋଲ ଏବେ ଜରାଜୀର୍ଣ୍ଣ ହୋଇଯାଇଛି। ତେଣୁ ଅଞ୍ଚଳବାସୀ ପ୍ରଶାସନକୁ ପୋଲ ଓ ରାସ୍ତା ନିର୍ମାଣ ପାଇଁ ଗୁହାରି କରିଛନ୍ତି। ନଚେତ ପାଞ୍ଚଖଣ୍ଡ ଗ୍ରାମବାସୀ ପ୍ରଶାସନର ଦ୍ୱାରସ୍ତ ହେବେ ଓ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି।
