ଓଡ଼ିଆ ବାର୍ତ୍ତା/ ପୁରୁଷୋତ୍ତମପୁର (ପ୍ରସନ୍ନ କୁମାର ଦାଶ): ଗଞ୍ଜାମ ଜିଲା ପୁରୁଷୋତ୍ତମପୁରରେ ଏକ ବ୍ଲକସ୍ତରୀୟ ସ୍ବାଧିନତା ଦିବସ ପାଳନ ଲାଗି ଏକ ପ୍ରସ୍ତୁତି ବୈଠକ ସ୍ଥାନୀୟ ହିନ୍ଦୀ ଭବନ ଠାରେ ବରିଷ୍ଠ ନାଗରିକ ସଂଘର ସମ୍ପାଦକ ପ୍ରଫୁଲ୍ଲ କୁମାର ରଥଙ୍କ ଆବାହକରେ ଅନୁଷ୍ଠିତ ହୋଇଯାଇଛି। ଏହି ପ୍ରସ୍ତୁତି ବୈଠକରେ ଅତିଥି ଭାବରେ ପୁରୁଷୋତ୍ତମପୁର ତହସିଲଦାର ବିନୋଦକୁମାର ବେହେରା, ବିଡିଓ ଶରତକୁମାର ପାତ୍ର, ଏନଏସି ନିର୍ବାହୀ ଅଧିକାରୀ ଗୋବିନ୍ଦ ଡନସେନା, ବ୍ଲକ ଶିକ୍ଷାଅଧିକାରୀ କିଶୋର କୁମାର ବେହେରା, ଅତିରିକ୍ତ ବ୍ଲକଶିକ୍ଷାଅଧିକାରୀ ବିଜୟଚନ୍ଦ୍ର ବେହେରା ଓ ସମସ୍ତ ସରକାରୀ ଏବଂ ବେସରକାରୀ ବ୍ୟାଙ୍କ, ବିଭିନ୍ନ ସରକାରୀ ଓ ବେସରକାରୀ ବିଦ୍ୟାଳୟ ଏବଂ କଲେଜ ଅଧିକାରୀ ସହିତ ସାମ୍ବାଦିକମାନେ ଯୋଗଦେଇଥିଲେ। ପ୍ରଥମଥର ପାଇଁ ହେଉଥିବା କାର୍ଯ୍ୟକ୍ରମକୁ କିପରି ଏହାକୁ ସୁଚାରୁରୂପେ ପାଳନ କରାଯିବ ସେଥିଲାଗି ଏକ ବିସ୍ତୁତ ଆଲୋଚନା ହୋଇଥିଲା। ଏହି ବୈଠକରେ ଏକ କମିଟି ଗଠନ କରାଯାଇଥିଲା | ଆବାହକ ପ୍ରଫୁଲକୁମାର ରଥ, ସଭାପତି ରୁପେ ତହସିଲଦାର ବିନୋଦକୁମାର ବେହେରାଙ୍କୁ ଓ ତାପରେ ଅନ୍ୟମାନେ ଉପସଭାପତି ପାଇଁ ଏନ ଡି ହାଇସ୍କୁଲ ଶିକ୍ଷକ ବୃନ୍ଦାବନ ଡାକୁଆ, ସମ୍ପାଦକ ଅବସରପ୍ରାପ୍ତ ଶିକ୍ଷକ ଏ ରାଜଗୋପାଳ ରାଓ, ସହସମ୍ପାଦକ ଅରୁଣକୁମାର ଗୌଡ, କୋଷାଧକ୍ଷ ଭାବେ ୟୁନିୟନ ବ୍ୟାଙ୍କ ମ୍ୟାନେଜର ରୁପେଶକୁମାର ରଥଙ୍କୁ ମନୋନିତ ବାରିଥିଲେ | ତହସିଲଦାର ତାଙ୍କର ମନ୍ତବ୍ୟରେ ଏହି କାର୍ଯ୍ୟକ୍ରମକୁ କିପରି ସଫଳ କରିବା ସେଥିପାଇଁ ସମସ୍ତଙ୍କ ସହଯୋଗ କାମନା କରିଥିଲେ |ଏହା ବ୍ୟତୀତ ଛାତ୍ର ଛାତ୍ରୀ ମାନଙ୍କ ବିଭିନ୍ନ ପ୍ରତିଯୋଗିତା ପାଇଁ ଏକ କମିଟି ଗଠନ ପାଇଁ ନିଷ୍ପତି ନିଆଗଲା | ପ୍ରଥମ ଥର ପାଇଁ ଏଭଳି ପଦକ୍ଷେପକୁ ନିଆଯାଇଥିବାରୁ ବିଭିନ୍ନ ମହଲରୁ ସ୍ବାଗତ କରାଯାଇଛି।
