ଓଡ଼ିଆ ବାର୍ତ୍ତା/ ବଲାଙ୍ଗିର (ମୁନା ଗୈାଡ): ତରବରିଆ ଭାବେ ଘରୁ ବାହାରି ଠିକ୍ ସମୟରେ ସ୍କୁଲକୁ ପହଞ୍ଚି ଥିଲେ ଛାତ୍ର ଛାତ୍ରୀଙ୍କ ସହ ଶିକ୍ଷକ, ଶିକ୍ଷୟିତ୍ରୀ। ହେଲେ ବିଦ୍ୟାଳୟ ଗେଟରେ ଗାଁ ଲୋକେ ତାଲା ଦେଇ ଆନ୍ଦୋଳନ କରୁଥିବାରୁ ଟାଣ ଖରାରେ ଗଛ ମୂଳେ ପାଠ ପଢୁଛନ୍ତି ଛାତ୍ରଛାତ୍ରୀ। ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ଦେଓଗାଁ ବ୍ଲକର ବରକାନୀ ଉଚ୍ଚ ପ୍ରାଥମିକ ବିଦ୍ୟାଳୟରେ। ଏହି ବିଦ୍ୟାଳୟରେ ଶିଶୁ ବାଟିକା ରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ୧୭୦ ଜଣ ଛାତ୍ର ଛାତ୍ରୀଙ୍କୁ ୪ ଜଣ ଶିକ୍ଷୟିତ୍ରୀ ରହିଛନ୍ତି। ଏହି ଶିକ୍ଷୟତ୍ରୀ ଙ୍କ ମଧ୍ୟରୁ ଜଣେ ପ୍ରଧାନ ଶିକ୍ଷକ ଦାଇତ୍ୱରେ ରହିଛନ୍ତି। ଯାହା ଫଳରେ ପାଠ ପଢା ରେ ଘୋର ଅସୁବିଧା ଦେଖା ଦେଇଛି। ଏନେଇ ବିଦ୍ୟାଳୟ ପରିଚାଳନା କମିଟି ଦେଓଗାଁ ଶିକ୍ଷା ବିଭାଗ ଠାରେ ଅଭିଯୋଗ କଲେ ବି କୌଣସି ପଦକ୍ଷେପ ଗ୍ରହଣ କରୁନଥିବାରୁ ଆଜି ଗେଟ ରେ ତାଲା ଦେଇ ଆନ୍ଦୋଳନ କରୁଛନ୍ତି ଗାଁ ଲୋକେ। ଶ୍ରେଣୀ ଭିତରେ ପଙ୍ଖା ତଳେ ପାଠ ପଢୁଥିବା ଛାତ୍ର ଛାତ୍ରୀ ଗଛ ମୂଳେ ଗୁଳଗୁଳି ରେ ବସି ରହିଥିବାରୁ ବହୁତ କଷ୍ଟ ହେଉଛି ବୋଲି ଛାତ୍ର ଛାତ୍ରୀ ମାନେ କହିଛନ୍ତି। ଏଣୁ ଏ ଦିଗରେ ରାଜ୍ୟ ସରକାର ଦୃଷ୍ଟି ଦେବାକୁ ଗାଁ ଲୋକେ ଦାବୀ କରିଛନ୍ତି।
