ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ୧୫ତମ ଜାତୀୟ ଅଙ୍ଗଦାନ ଦିବସରେ ବଲାଙ୍ଗୀର ଭୀମଭୋଇ ଭେଷଜ ମହା ବିଦ୍ୟାଳୟରେ ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ଲଛିପୁର ଗ୍ରାମର ଦମ୍ପତି ପବିତ୍ର ନାରାୟଣ ନେପାକ ଓ ତାଙ୍କ ସ୍ତ୍ରୀ ଶୋଭନା ମହାପାତ୍ର ସ୍ଵେଛାକୣତ ଭାବେ ନିଜର ମୃତ୍ୟୁ ପରେ ନିଜ ନିଜର ପାର୍ଥିବ ଶରୀର କୁ ଭେଷଜ ମହାବିଦ୍ୟାଳୟ କୁ ଦାନ କରିବା ପାଇଁ ସମସ୍ତ ଆବଶ୍ୟକୀୟ କାଗଜ ପତ୍ର ଓ ପରିବାର ବର୍ଗଙ୍କ ସହମତି ପତ୍ର ସହ ପ୍ରଦାନ କରିଛନ୍ତି । ଶରୀର ବିଜ୍ଞାନ ବିଭାଗର ମୁଖ୍ୟ ପ୍ରଫେସର ଡ଼କ୍ଟର ସନ୍ତୋଷ କୁମାର ସାହୁଙ୍କ କାର୍ଯ୍ୟାଳୟ ରେ ତାଙ୍କ ଉପସ୍ଥିତ ରେ ପ୍ରତିଜ୍ଞ୍ୟା ପତ୍ର ପ୍ରଦାନ କରି ତାଙ୍କର ମର ଶରୀର ଶୈକ୍ଷିକ ଏବଂ ଗବେଷଣାତ୍ମକ କାର୍ଯ୍ୟ ରେ ବ୍ୟବହୃତ ହେବ ବୋଲି କହିଛନ୍ତି । ଏହି ଅବସରରେ ଶୈକ୍ଷିକ ଏବଂ ଗବେଷଣା ପାଇଁ ମର ଶରୀର ର ଘୋର ଅଭାବ ଦେଖାଯାଉ ଥିବାରୁ ଏ ନେଇ ଜନ ସଚେତନତା ର ଆବଶ୍ୟକତା ରହିଛି ବୋଲି ଶ୍ରୀ ପବିତ୍ର ନାରାୟଣ ନେପାକ ପ୍ରକାଶ କରିଥିଲେ । ବର୍ତ୍ତମାନ ରାଜ୍ୟରେ ନୂଆ ନୂଆ ଅନେକ ମେଡିକାଲ କଲେଜ ଖୋଲିଥିବା ବେଳେ ସେଠାରେ ପଢୁଥିବା ଡାକ୍ତରୀ ଛାତ୍ର ଛାତ୍ରୀ ମାନେ ଗବେଷଣା କୂତ୍ରିମ ଶରୀର ରୁ ଶିକ୍ଷାଦାନ କରୁଥିବା ବେଳେ ପ୍ରକୃତ ଗବେଷଣାରୁ ବଞ୍ଚିତ ହେଉଛନ୍ତି ଏ ନେଇ ବ୍ୟାପକ ଜନ ସଚେତନତା ଜରୁରୀ ହୋଇ ପଡିଥିବା ଶ୍ରୀ ନେପାକ କହିଛନ୍ତି । ସ୍ବେଛାକୃତ ଶରୀର ଦାନ ପାଇଁ ସେ ନିଜ ବଡଭାଇ ଶ୍ରୀ ଶୁଭେନ୍ଦ୍ର ନେପାକ ଓ ଢେଙ୍କାନାଳର ମଉସା ସ୍ବର୍ଗତ ଅଜୟ କୁମାର ନାଥ ଙ୍କ ଆଦର୍ଶ ରେ ଅନୁପ୍ରାଣିତ ହୋଇଥିବା ପ୍ରକାଶ କରିଛନ୍ତି।
