ରୋମାଞ୍ଚକ ସାହୁ ସଭାପତି, ସରୋଜ ରାଉତ ସମ୍ପାଦକ ମନୋନୀତ
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ନିର୍ବାଚନ ମଣ୍ଡଳୀର ସର୍ବାଙ୍ଗୀନ ବିକାଶ ପାଇଁ ନର୍ଲା ବ୍ଲକ ଅଧ୍ୟକ୍ଷ ଦୁର୍ଗାପ୍ରସାଦ ମହାନ୍ତିଙ୍କ ନେତୃତ୍ୱରେ ଓ ନର୍ଲାର ବରିଷ୍ଠ ନାଗରିକ ପର୍ଶୁରାମ ପଣ୍ଡାଙ୍କ ଅଧ୍ୟକ୍ଷତାରେ ଗଠିତ ହୋଇଯାଇଛି “ସ୍ୱାଭିମାନ ନର୍ଲା ନିର୍ବାଚନ ମଣ୍ଡଳୀ ବିକାଶ ମଞ୍ଚ” । ପ୍ରଥମେ ସଭାପତିଙ୍କ ସ୍ୱାଗତ ଭାଷଣ ପରେ ଆଲୋଚନା ଆରମ୍ଭ ହୋଇଥିଲା । ନର୍ଲା ନିର୍ବାଚନ ମଣ୍ଡଳୀର ୪ ଗୋଟି ବ୍ଲକର ସମସ୍ତ ଗ୍ରାମ ପଞ୍ଚାୟତ ଅଞ୍ଚଳରୁ ଆସିଥିବା ବୁଦ୍ଧିଜୀବି, ଶିକ୍ଷାବିତ୍, ନିର୍ବାଚିତ ଲୋକପ୍ରତିନିଧି ମାନଙ୍କଠାରୁ କେମିତି ଓ କ’ଣ କଲେ ନର୍ଲା ନିର୍ବାଚନ ମଣ୍ଡଳୀର ବିକାଶ ହୋଇ ପାରିବ ସେ ବିଷୟରେ ଆଲୋଚନା କରାଯାଇ ସମସ୍ତଙ୍କ ମତାମତ ସଂଗ୍ରହ କରାଯାଇଥିଲା । ନର୍ଲାରେ ରହିଥିବା ବିଭିନ୍ନ ସମସ୍ୟା ଶିକ୍ଷା ସମସ୍ୟା, ସ୍ୱାସ୍ଥ୍ୟ, ରାସ୍ତା ଘାଟ, ଜଳସେଚନର ସମସ୍ୟା ଗୁଡିକ ଉପରେ ଅନେକ ବ୍ୟକ୍ତି ବିଭିନ୍ନ ମତ ପ୍ରଦାନ କରିଥିଲେ । ଏହାପରେ ନିର୍ବାଚନ ମଣ୍ଡଳୀ ବିକାଶ ମଞ୍ଚ ଗଠନ ପାଇଁ କର୍ମକର୍ତ୍ତା ଚୟନ କରାଯାଇଥିଲା । ଏହାର ସଭାପତି ଭାବରେ ରୋମାଞ୍ଚକ ସାହୁ ସର୍ବସମ୍ମତି କ୍ରମେ ମନୋନୀତ ହୋଇଥିଲେ । ସେହିଭଳି ନିର୍ବାଚନ ମଣ୍ଡଳୀର ୪ ଗୋଟି ବ୍ଲକ ପ୍ରତି ବ୍ଲକରୁ ଜଣେ ଲେଖାଏଁ ନର୍ଲାରୁ ଚନ୍ଦ୍ରଶେଖର ପୁଝାରୀ, ମ.ରାମପୁରରୁ ପ୍ରେମସାଗର ନାଏକ, କେସିଙ୍ଗାରୁ ସୁଲତାନ ନନ୍ଦ, ଓ କର୍ଲାମୁଣ୍ଡାରୁ ଯଶୋବନ୍ତ ସାହୁ ଉପସଭାପତି ଭାବରେ ଏବଂ ସାଧାରଣ ସମ୍ପାଦକ ଭାବରେ ସରୋଜ କୁମାର ରାଉତ ଓ କୋଷାଧ୍ୟକ୍ଷ ଭାବରେ ମହେଶ ପ୍ରସାଦ ଚାନ୍ଦ ସର୍ବସମ୍ମତିକ୍ରମେ ମନୋନୀତ ହୋଇଥିଲେ । ସହ ସମ୍ପାଦକ ଭାବରେ ନାରୀ ନେତ୍ରୀ ସଙ୍ଗୀତା ଭୋଇ ଓ ବିନ୍ଦୁଲତା ସାମଲଙ୍କୁ ମନୋନୀତ କରାଯାଇଥିଲା । ବରିଷ୍ଠ ନାଗରିକ ପର୍ଶୁରାମ ପଣ୍ଡା, ପୂର୍ବତନ ବ୍ଲକ ଅଧ୍ୟକ୍ଷ ନୀଳମଣି ସାହୁ, ନର୍ଲା ବ୍ଲକ ସରପଞ୍ଚ ସଂଘ ସଭାପତି ଅନନ୍ତରାମ ମାଝୀ ଓ ମହେନ୍ଦ୍ର ନାଏକଙ୍କୁ ଉପଦେଷ୍ଟା ମଣ୍ଡଳୀର ସଦସ୍ୟ ଭାବରେ ଚୟନ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ନର୍ଲା ସମିତି ସଦସ୍ୟ ସଂଘ ସଭାପତି ଜୟ ମେହେର, ଘଣ୍ଟମାଳ ସରପଞ୍ଚ ଦେବେନ୍ଦ୍ର ସା, ଯୁବନେତା ସୁଦର୍ଶନ ଦୋରା, ମନମୋହନ ନାଏକ, ବିଜୟ ବୁଦ୍ଧିଆ, ସୁରେନ୍ଦ୍ର ଚାନ୍ଦ, ଜୟନ୍ତ ଗଉଡ, ଘାସିରାମ ସାହୁ, ମନ ସାହୁ, ମିଟୁ ଡାକୁଆ, କିଶୋର ନାଏକ, ଟୁଟୁ ସେଠୀ, କିଶୋର ମାଝୀ, ପୂର୍ଣ୍ଣ ପୂଝାରୀ, ଓମପ୍ରକାଶ ପୁଝାରୀ, ସୁଧିର ନାଏକ, ପରମେଶ୍ୱର ନାଏକ, ପ୍ରିୟବ୍ରତ ଚାନ୍ଦଙ୍କ ସମେତ ଶତାଧିକ ସଦସ୍ୟ ଉପସ୍ଥିତ ରହି ସୁଚିନ୍ତିତ ମତାମତ ପ୍ରଦାନ କରିଥିଲେ । ସରୋଜ କୁମାର ରାଉତ ମଞ୍ଚ ପରିଚାଳନା କରିଥିବା ବେଳେ ଯୁବ ନେତୃତ୍ୱ ଗୋବିନ୍ଦ ତାଣ୍ଡି ଧନ୍ୟବାଦ ଅର୍ପଣ କରିଥିଲେ ।
