ସୂତ ମୁନି ଗୋମତୀ ନଦୀ କୂଳରେ ଋଷିମାନଙ୍କୁ ବିନାୟକ ବ୍ରତ କଥା ଶୁଣାଇଥିଲେ। କାର୍ଯ୍ୟସିଦ୍ଧି, ଅର୍ଥପ୍ରାପ୍ତି, ସୁତ, ସୌଭାଗ୍ୟ, ସଂପଦ ଲାଭ ପାଇଁ ବିନାୟକ ବ୍ରତ କରଣୀୟ। ଏହି ବ୍ରତର ବିଧିବିଧାନ ସ୍ୱୟଂ ଶ୍ରୀକୃଷ୍ଣ ଯୁଧିଷ୍ଠିରଙ୍କୁ କହିଛନ୍ତି। ରାଜା ଯୁଧିଷ୍ଠିର ଏହି ବ୍ରତ ପାଳନ କରି ନିଜ ରାଜ୍ୟ ଫେରି ପାଇଥିଲେ। ଭାଦ୍ରବ ମାସର ଶୁକ୍ଳ ଚତୁର୍ଥୀ ଦିନ ବିନାୟକ ବ୍ରତ ପାଳିତ ହୁଏ। ବିନାୟକ ବ୍ରତକଥାରେ ଉଲ୍ଲେଖ ରହିଛି ଯେ, ଏହି ବ୍ରତର ମାହାତ୍ମ୍ୟ ସ୍କନ୍ଧ ପୁରାଣରେ ବର୍ଣ୍ଣିତ।
