ଓଡ଼ିଆ ବାର୍ତ୍ତା/ ବାଲେଶ୍ୱର (କୃଷ୍ଣ କୁମାର ମହାନ୍ତି): ଦକ୍ଷିଣ ପୂର୍ବ ରେଳପଥର ଖଡ଼ଗପୁର୍ ଡିଭିଜନ ‘ସ୍ୱଚ୍ଛତା ହିଁ ସେବା’ (SHS)-୨୦୨୫ ଅଭିଯାନର ଦଶମ ଦିନଟିକୁ ବାଲେଶ୍ୱର ସହିତ ଅନ୍ୟାନ୍ୟ ଷ୍ଟେସନ ଓ ଟ୍ରେନରେ ସ୍ୱଚ୍ଛ ଖାଦ୍ୟ, କୀଟାଣୁ ନିୟନ୍ତ୍ରଣ ଏବଂ ମହିଳା ସ୍ୱାସ୍ଥ୍ୟ ସଚେତନତାକୁ ନେଇ ବିଶେଷ ଗୁରୁତ୍ଵାରୋପ କରିଛି। ବାଲେଶ୍ୱର ଷ୍ଟେସନରେ କ୍ୟାଟରିଂ ଷ୍ଟଲ୍, ଜନ ଆହାର୍ ୟୁନିଟ୍, ଫୁଡ୍ ପ୍ଲାଜା ଓ ବେସ୍ କିଚେନରେ ସ୍ୱଚ୍ଛତା, ଖାଦ୍ୟର ଗୁଣବତ୍ତା ଓ ସ୍ୱଚ୍ଛ ଆହାରକୁ ପ୍ରାୟୋଗିକ କରିବା ପାଇଁ କଡ଼ାକଡି ଯାଞ୍ଚ କରାଯାଇଛି।
ସୂଚନାଯୋଗ୍ୟ ଯେ, ବାଲେଶ୍ୱର ସମେତ ସାନ୍ତ୍ରାଗାଛି, ଶାଲିମାର୍, ଡୋମଜୁର୍ ଓ ଖଡ଼ଗପୁର୍ ଭଳି ପ୍ରମୁଖ ଷ୍ଟେସନରେ କୀଟ ଓ ମୂଷା ନିୟନ୍ତ୍ରଣ ଅଭିଯାନ ଆରମ୍ଭ କରାଯାଇଛି। ଯାତ୍ରୀ ସୁରକ୍ଷା ନିମନ୍ତେ ପ୍ୟାଣ୍ଟ୍ରି କାର୍ ଓ ଟ୍ରେନ କୋଚରେ ବିଶେଷ କୀଟନାଶକ ଛିଞ୍ଚନ କାର୍ଯ୍ୟ କରାଯାଇଥିଲା।
‘ସୁସ୍ଥ ନାରୀ- ସଶକ୍ତ ପରିବାର’ ଅଭିଯାନ ଅନୁସାରେ ବାଲେଶ୍ୱର ଷ୍ଟେସନରେ ମହିଳା ସ୍ୱାସ୍ଥ୍ୟ ସଚେତନତା କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା। ଏଥିରେ ମହିଳାଙ୍କ ସ୍ୱାସ୍ଥ୍ୟ ସମସ୍ୟାକୁ ଆଲୋଚନା କରାଯିବା ସହ କ୍ୟାନ୍ସର୍ ସ୍କ୍ରିନିଂ ଶିବିର ମାଧ୍ୟମରେ ପ୍ରାରମ୍ଭିକ ଚିହ୍ନଟ ଓ ପ୍ରତିରୋଧୀକରଣ ପ୍ରତି ଗୁରୁତ୍ୱ ଦିଆଯାଇଥିଲା।
ଖଡଗପୁର ଡିଭିଜନ୍ ପ୍ରଶାସନ ନବୀକୃତ କରି କହିଛି ଯେ, ସ୍ୱଚ୍ଛ ପରିବେଶ, ସୁରକ୍ଷିତ ଓ ସ୍ୱଚ୍ଛ ଆହାର ଏବଂ ସନ୍ତୋଷଜନକ ଯାତ୍ରା ସୁବିଧା ପ୍ରଦାନ କରିବା ତାଙ୍କର ପ୍ରାଥମିକତା । ଏହି ଲକ୍ଷ୍ୟ ହାସଲ ଦିଗରେ ସ୍ୱଚ୍ଛତା ଅଭିଯାନ ନିରନ୍ତର ଚାଲିଥିବ ବୋଲି ଦକ୍ଷିଣ ପୂର୍ବ ରେଳପଥ ପକ୍ଷରୁ କୁହାଯାଇଛି।
