କବିତା: କଳ୍ପନାତୀତ କଳ୍ପନା 

କିଏ ଗଢ଼ିଅଛି ଏ ସାରା ବିଶ୍ୱକୁ 

    ନଦୀ,ବଣ, ଶ୍ୟାମ ଧରା l

କିଏ ଗଢ଼ିଅଛି ସୁନ୍ଦର ଆକାଶ 

    ଖଞ୍ଜିଛି ଅସଂଖ୍ୟ ତାରା ll

ବିଶ୍ୱ ସ୍ରଷ୍ଟାଙ୍କର ସୁନ୍ଦର ବିଶ୍ୱକୁ 

    ମନୁଷ୍ୟ ବିସ୍ମୟେ ଚିନ୍ତି l

ସୃଷ୍ଟିର ରହସ୍ୟ ଜାଣିବାକୁ ଜ୍ଞାନୀ 

     ସଦା ପ୍ରୟାସୀ ଅଛନ୍ତି ll

ଧରଣୀ ବ୍ୟତୀତ ବିଜ୍ଞାନୀ ମଣିଷ 

    ବିଶ୍ୱେ ଅଛି ଆଉ କେଣେ l

ସ୍ପୁଟନିକ ଆପୋଲୋ ମଣିଷ ପେଷିଲା 

      ଅନ୍ତରୀକ୍ଷ ଅନ୍ବେଷଣେ ll

ତାରକା ସନ୍ଧାନେ ନିର୍ମାଣିଲେ ପୁଣି 

        ବିଶ୍ୱର ବିଜ୍ଞାନୀ ଗଣ l

ମହାକାଶ ଯାନେ ଚଢ଼ି ବୁଲିଗଲେ 

    ବ୍ୟୋମଚାରୀ ଜଣ ଜଣ ll

ପ୍ରଥମ ମହିଳା ମହାକାଶଚାରୀ 

   ଭାଲେନ୍ତିନା ତେରେସ୍କୋଭା l

ମହାକାଶେ ଯାଇ ନିରୀକ୍ଷଣ କଲେ 

        ଗ୍ରହ ନକ୍ଷତ୍ରଙ୍କ ପ୍ରଭା ll

ପଛେ ରହିନାନ୍ତି ବ୍ୟୋମଜାନେ ଗତି 

         କିନ୍ତୁ ଭାରତର ନାରୀ l

କାଳେ କଲେ ଗତି ବ୍ୟୋମେ ମହାମତି 

         ଆମ କଳ୍ପନା ସୁନ୍ଦରୀ ll

ରାକେଶ କହିଲେ ସାରା ଭୂମଣ୍ଡଳେ 

        ଭାରତ ମୋର ସୁନ୍ଦର l

କଳ୍ପନା ଭଉଣୀ କହିଗଲେ ପୁଣି 

        ଜନ୍ମଭୂମି ନମସ୍କାର ll

ହେ ଭଉଣୀ ତୁମେ ମନେପଡ଼ ଆଜି 

       ଜନମ ଦିବସେ ଭାରି l

ତାରାଟିଏ ତୁମେ ନଭ ମଣ୍ଡଳରେ 

         ମହିୟସୀ ନଭଚାରୀ ll

            

ଅର୍ଜୁନୀ ଚରଣ ବେହେରା 

ମୋ – 7693091971