ଆମେ ପ୍ରତିଦିନ ଆମ ଥାଳିରେ କେଉଁ ସବୁ ବିରୁଦ୍ଧ ଆହାର ଖାଉଛୁ? ଆମର କିଛି ସାଧାରଣ ଅଭ୍ୟାସ ଆମ ପାଇଁ ବିପଦ ଡାକି ଆଣୁଛି:
• କ୍ଷୀର ସହିତ ମାଛ କିମ୍ବା କଦଳୀ: କ୍ଷୀର ସହିତ ମାଛ କିମ୍ବା ଫ୍ରୁଟ୍ ସାଲାଡ୍ (କଦଳୀ) ଖାଇବା ଅତ୍ୟନ୍ତ ବିପଜ୍ଜନକ ଏବଂ ଏହା ସଂଯୋଗ ବିରୁଦ୍ଧ ଅଟେ।
• ଗରମ ମହୁ: ବଜାରରେ ମିଳୁଥିବା ମହୁକୁ ପ୍ୟାକେଜିଂ ପୂର୍ବରୁ ଅଧିକ ଗରମ କରାଯାଇଥାଏ କିମ୍ବା ଆମେ ନିଜେ ମହୁକୁ ଗରମ କରି ଖାଇବା ଏକ ‘ସଂସ୍କାର ବିରୁଦ୍ଧ’ ଅଭ୍ୟାସ, ଯାହା ଶରୀରରେ ବିଷ ସୃଷ୍ଟି କରେ।
• ଚା’ ସହିତ କ୍ଷୀର କିମ୍ବା ରସୁଣ: ଚା’ରେ କ୍ଷୀର ମିଶାଇଲେ ହୃଦୟ ପାଇଁ ଲାଭଦାୟକ ଥିବା ପ୍ରୋଟିନ୍ ନଷ୍ଟ ହୋଇଯାଏ। ସେହିପରି ଚା’ ସହିତ ରସୁଣ ଖାଇଲେ ରକ୍ତସ୍ରାବ ର ଆଶଙ୍କା ଯଥେଷ୍ଟ ବଢ଼ିଯାଏ।
• ପ୍ରୋଟିନ୍ ସହିତ ଷ୍ଟାର୍ଚ (ଶ୍ୱେତସାର): ପ୍ରୋଟିନ୍ ଏବଂ ଷ୍ଟାର୍ଚ ଜାତୀୟ ଖାଦ୍ୟ ଏକାଠି ଖାଇବା ଦ୍ୱାରା ଗୋଟିଏ ଖାଦ୍ୟର ହଜମ ପ୍ରକ୍ରିୟା ଅନ୍ୟଟି ଦ୍ୱାରା ବାଧାପ୍ରାପ୍ତ ହୋଇଥାଏ।
• ଥଣ୍ଡା ଓ ଗରମର ଏକତ୍ରିକରଣ: ଗରମ ଚା’ ବା କଫି ପିଇବା ପରେ ତୁରନ୍ତ ଥଣ୍ଡା ପାଣି ପିଇବା ସ୍ୱାସ୍ଥ୍ୟ ପାଇଁ ହାନିକାରକ ଅଟେ।
ଆଶ୍ଚର୍ଯ୍ୟର କଥା ହେଉଛି, ଆୟୁର୍ବେଦ ଅନୁଯାୟୀ ଯେଉଁମାନେ ଯୁବକ, ନିୟମିତ କଠିନ ବ୍ୟାୟାମ କରନ୍ତି ଏବଂ ଯାହାଙ୍କର ପାଚନ ଶକ୍ତି ଅତ୍ୟନ୍ତ ସୁଦୃଢ଼, କେବଳ ସେମାନେ ହିଁ ଏହି ବିଷକୁ ସହ୍ୟ କରିପାରିବେ। ଅନ୍ୟମାନଙ୍କ ପାଇଁ ଏହା ଅନ୍ଧପଣ, ଚର୍ମ ରୋଗ, ପାଗଳାମୀ ଏବଂ ନପୁଂସକତା ପରି ଅନେକ ଭୟଙ୍କର ରୋଗ ଆଣିଦେଇପାରେ। ତେଣୁ, ଆଜି ହିଁ ନିଜର ଖାଦ୍ୟପେୟର ଅଭ୍ୟାସ ଏବଂ ମିଶ୍ରଣ ପ୍ରତି ସତର୍କ ହୁଅନ୍ତୁ, ନଚେତ୍ ଆପଣଙ୍କ ରୋଷେଇ ଘର ହିଁ ଆପଣଙ୍କ ପାଇଁ ଏବଂ ଆପଣଙ୍କ ଆଗାମୀ ପିଢ଼ି ପାଇଁ ମୃତ୍ୟୁର କାରଣ ସାଜିପାରେ। ମନେରଖନ୍ତୁ, ଏକ ସନ୍ତୁଳିତ ଜୀବନଶୈଳୀ ହିଁ ସୁସ୍ଥ ରହିବାର ମୂଳମନ୍ତ୍ର।
ଡା. ବେଦ ପ୍ରକାଶ ବଗର୍ତ୍ତୀ
ବି.ଏ.ଏମ୍.ଏସ୍ (ସମ୍ବଳପୁର ବିଶ୍ବବିଦ୍ଯାଳୟ)
ମୋ: ୯୬୬୮୮୨୩୪୮୧
