ଆଗାମୀ ଦିନରେ ହେବ ‘କୋସଲି ଭାଷା ସଂସ୍କୃତି ସମ୍ମିଳନୀ’

ବଲାଙ୍ଗୀର,୨୫/୧୦: ସ୍ଥାନୀୟ ଅମଲା ଭବନରେ କୋସଲି ଭାଷା ସଂସ୍କୃତି ଗବେଷଣା କେନ୍ଦ୍ର (କୋସଲ) ତରଫରୁ କୋଶଲେଶ୍ବରୀ ମନ୍ଦିର ପାଇଁ ଆସନ୍ତା ଡିସେମ୍ବର ୮ ତାରିଖରେ ଭୂମିପୂଜନ ଏବଂ ଆଗାମୀ ଦିନରେ ହେବାକୁଥିବା ‘କୋସଲି ଭାଷା ସଂସ୍କୃତି ସମ୍ମିଳନୀ’ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହେଇଥିଲା। ବିଭନ୍ନ ପ୍ରକାର ସଂସ୍କୃତିକ କାର୍ଯ୍ଯକ୍ରମ ଆୟୋଜନ ସହ ବହୁ କବି ଲେଖକମାନଙ୍କୁ ନେଇ ଅନେକ ସାହିତ୍ଯ କାର୍ଯ୍ୟକ୍ରମ ହେବ ବୋଲି ସମସ୍ତ ସଭ୍ୟ ମତାମତ ଦେଇଥିଲେ। ଏଇ ଅବସରରେ ଅନେକ ଜନମଙ୍ଗଳ କାର୍ଯ୍ୟକ୍ରମ ହାତକୁ ନିଆଯାଇଥିବା ପ୍ରକାଶ ପାଇଥିଲା। ଅଧିବକ୍ତା ସୁଶାନ୍ତ ବାଗଙ୍କ ଆବାହତ୍ବକରେ ଆୟୋଜିତ ଉକ୍ତ ସଭାରେ ଗୁରୁଶ୍ରୀ ଘାସିରାମ ମିଶ୍ର ସଭାପତିତ୍ବ କରିଥିଲେ। ଆଲୋଚନାରେ ଅନ୍ୟମାନଙ୍କ ମଧ୍ୟରେ କବି ରାମଭକ୍ତ ଫରିକାର, ନିମାଇଁ ପାଣିଗ୍ରାହୀ, ଅଚ୍ୟୁତ ପୁରୋହିତ, କପିଳେଶ୍ବର ଖମାରୀ, ମୁରଲୀଧାରୀ ପତି, ଲକ୍ଷ୍ମୀ ନାରାୟଣ ପଟ୍ଟନାୟକ, ସମାଜସେବୀ ଶାନନ୍ତୁ କୁମାର ନାଏକ, ଶିକ୍ଷାବିତ କଲ୍କି ନାରାୟଣ ମିଶ୍ର, ସତ୍ଯ ନାରାୟଣ ନାୟକ, ମନୋରଞ୍ଜନ ସାହୁ, ଗଣେଶ ବାରିକ ପ୍ରମୁଖ ନିଜସ୍ଵ ବକ୍ତବ୍ୟ ରଖିଥିଲେ। ଶେଷରେ କବି ପୁସ୍ତମ ଜୁଆଡ଼ି ଧନ୍ଯବାଦ ଦେଇଥିଲେ।